علاقتي مع اخواني الأولاد :/

السلام عليكم جميعاً
من فترة وانا ابي افضفض بهالشي لكم والموضوع شاغلني كثيير واتوقع ماله حل..
احنا عائلة بنات واولاد اكثر من البنات بالإضافة الى امي وابوي الله يحفظهم

ولب الموضوع انو علاقتي مع اخواني اكثثر من رسمييه مع بعضنا وهالشيي مأمززمني مررا
اخواني اللي اصغر مني علاقتي معهم حلوه وامزح معهم وعادي واكبرهم بالثانوي

أما اخواني الكبار ابداً مااتكلم معهم وحتى لو تكلمت بس يكون سؤال وأرد عليه مافي سوالف ولا مزح ولا شي الا بالنااااادر
واخواني اذا سافرو عادي اذا رجعو عادي مايسلمو علينا احنا البنات واحياناً بس مصافحه وأما مع بعضهم يسلموو ويبووسو بعضهم
وواحد من اخواني على مزاجه احياناً يصافح وأحياناً لا وحتى اذا جا يسافر قبل كان يقول انا رايح والحيين لا ماندري الا اذا قال وصل>>هذا الكلام بس عليينا احنا البنات اماا ابوي وامي يعرفون بسفرته واخواني الأولاد ماأعرف اذا يعرفو والا لا
والمشكله قبل كم يوم اتصل جوال امي واخوي يقولي رددي عليه وانا لسا توني قايمه من النوم وماابغى ارد عليه وابوي قاله::انت رد عليه يمكن واحد من الأولاد (اللي هما اخوااني)
سبب هالتفرقه احسه ابوي مفرق بين البنات والاولاد واحنا تعودنا على هالشي وصرنا حتى مانكلم ابوي
يعني علاقتنا فيه زي علاقتنا مع اخواني
احسسنا عائلة متفككه وأمي وابوي الله يهديهم ماعودونا على الترابط من صغرنا
واخواني الحين واحد بيتزوج وخايفه زوجته تشوفنا كذا وتستغرب وتحسبنا احنا السبب البنات
نفسي اتكلم مع اخواني زي مااتكلم مع اختتي وآخذ راحتي
اختي الكبيره هي البكر واحسها عادي علاقتها يعني احسن مننا بشوي
>تدروو ابوي ماعمرو اعطاني مكافئة نجاح رغم اني كنت متفووقه وحتى مبروك بعدين ماصار يقولي :(<
>تدروو احنا ماعندنا شي اسممه عيدييه من عرفت الدنيااا
اذكر مررا قلت لأمي لما كنت صغيره ابغا عيديه قالت لي كلمي ابوكي
ولما كلمت ابي صار يقولي ايييش واعطاني رييال واحد بسس تخييلو والله وربي شااهد على كلامي
وأمي صح هي مو موظفه بس كانت احياناً تعطيني يعني في النادر وبعدين شفتها صارت تعطي بنات خوالي وخالاتي وحتتى الكبااار اللي اكبر منني وماتعطيننا والمشكله تعطيهم قدامنا واحنا لاا انا هالشي مااتحممله وربي مررا كنت شوي وابككي 🙂
مدري ليش احننا كذذا بعيدين عن بعض مررا

إنتوو قولولي كيف علاقتكم مع إخوانكم ؟؟
ابغى اعررف فيه احد مثلنا والا احنا نادريين