ماعندي حظ نهائيا خايفه اسوي شئ بنفسي

السلام عليكم كيفكم يابنات حابه افتحلكم قلبي شويه واتمنى اني القى كلام يريحني منكم ودعوه صادقه من قلبكم
تعبت وانا اطالع بجدران واكلمها تعبت من حياتي وتعبت من كل الناس الي حولي وربي العظيم

مشكلتي كلها تتعلق بالحظ لاتقولو لي لاء مافيه شئ اسمو حظ بالدنيا
وربي الحظ لما يوقف مع شخص يوقف معاه طول حياته
ولما يطيح لشخص يطيح معاه طول حياته

انا الحظ طايح معي طول حياتي ………
وربي يابنات حياتي كانها حياة حيوانات وانتو بكرامه
يمكن تحسون انو من الكلام الي اقوله انو مشكلتي بسيطه وماهي مشكله
بس وربي الي عايشه مثل عيشتي راح تفهم وراح تحس انها اكبر مشكله بحياتها

حياتي كلها عباره عن
أكل + نوم + نت
اليوم الثاني
اكل نوم نت
اليوم الثالث اكل نوم نت
مافيه شئ جديد ابدا
دخلت الكليه بقسم ما احبه وقالولي قولي الحمدالله غيرك مو محصل
قلت الحمدالله ودرست وتخرجت وجلست بالبيت
حاسه نفسي اني اي شئ بالبيت غير اني اكون انسانه او ادميه او انثي
استنيت جداره وعلى امل انو ينزل اسمي وماعاد فيه فايده
مع اني لي خمسه سنين متخرجه
لاتقولولي رزقه … اوكي رزقه من الله ورزقتي ماجات
بس قسم بالله اعرف ناس متخرجين بعدي ومعدلاتهم ضعيفه وتعينوو

هنا القهر والله مو حسد الله يوفقهم ويسعدهم
بس ليش حظي مو مثل حظهم

ليش احس انو الكل معمي عني فكل شئ

صحباتي كلهم تزوجوو ومابقى منهم غير انا واثنين
والاثنين اقل مني جمال بس خطاطيبهم مايوقفون ماشاءالله
اللهما لاحسد

يعني بس مشكلتي الوحيده اني تخينه
وحياتي كلها واقفه عشاني تخينه ؟؟؟؟؟؟؟؟؟؟
قبل كم يوم جاتني وظيفه وامي فشلتني قالتلي روحي انحفي بعدين توظفي
لاتشفشلين نفسك وتفشلينا معك
احس اني انجرحت بس كلامها صح وطبعا مارحت الوظيفه

معقول لاني تخينه
ماعادت اتوظف
ولا اتزوج
ولا احد يطالع بوجهي ولا يعبرني ولا يحسسني اني انثي
والله يابنات احس حياتي واقفه بنقطه وحده
الف وادور بنفس النقطه وارجع لها
طفشت مليت من حياتي كل ما اقول بكرا بتتغير
يصير نفس الشئ
يابنات مو شهر ولا شهرين والله سنين وانا على هالحال
اليوم نفس امس ونفس الي قبله ونفس الي بعده
وانا اسال نفسي متى اكون حالي حال البنات
اطلع واخرج وافرح بنفسي واتوظف واتزوج واعيش حياتي
انا مو عايشه كل هذي الاشياء فقدتها

دحين صرت احس بالقهر لما صحباتي ينخبطو وبيتزوجوو
والله ميته قهر ليش انا مو مثلهم ايش ناقصني
ليش اباركلهم كاني رجال ماعندي لامشاعر ولا احاسيس
ليش ليش
احس الناس ماتشوفني وتقول هذي بنت ليه مانخطبها
احسهم يشوفوني وحش
كل اهلي واقاربنا وبنات اصغر مني بالعمر ب 10 او 8 سنين تخطبو
وانا عمري 26 داخله 27 ماتزوجت للحين لييييشششششش؟؟
هذا كلو عشاني تخينه ؟؟؟؟؟؟؟؟

والي يقهرني اكثر لما تجيني وحده وتحسسني انو الحياه كلها ضدها
وهي بالحقيقه مو ناقصها شئ
زوجها طاير فيها طير والذهب من راسها لرجولها
واهل وظيفه وحياة كريمه
ايش ناااااااقصك ماتقولي الحمدالله ؟؟؟؟؟؟
فيه غيرك والله مو محصل الي انتي عايشه فيه وربي مو محصل
احمدي ربك عشان ربك يزيدك من نعموو قوليها قولي الحمدالله
بلاش تحسسينا انك خلاص حياتك منتهيه ……….

والله اني ما احسد ولا اتكلم الا من قهر وملل وعيشه تجيب الهم
على فكرا بنات وصلت لمرحله ما ابغا اشوف الناس ولا احب اخالطهم
هذا العيد الناس تجينا وانا نايمه كرهت الناس خلاص
صايره انسانه كثير سلبيه لانو مو قادره احصل على اي شئ ابغاه
مهما اسعى واعمل واسوي حاسه انو الناس ينظرون لي بنظره وحده وبسسس
وهالنظره ماتتغير …….
انا كثير مخنوقه ومضايقه وبجد نفسي ربي ياخدني وارتاح
ع الاقل امي وابوي يرتاحو من همي