عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم يافراشات
انا بطرح لكم سالفتي لانه بجد ماادري اتكلم مع مين وقلت مالي الا انتم ابي مشورتكم ابي منكم الحل
تكفون والله اني اتكلم معكم والعبره بحلقي وماسجلت الا علشان اشكي واطلع الي بقلبي
انا بنت عمري 23 سنه ادرس بالجامعه واخر سنه
انا انسانه اخر همي الزواج وكنت عايشه حياتي ولا يهمني اساسا هالموضوع
اوول ماتخرجت من الثانوي جتني امي وقالت لي بنت خالها تبي تخطب اخوها لي وانا اخذت الموضوع استهبال قالت بس قلت لهم انتظروها تتخرج وبعدين يصير كل شي رسمي
وقالو اوك وصرت اسمع عنه عند اهلي وعند اخته كانت تسولف لي عنه وامي بعد ع اساس انه زوج المستقبل وانا من كثر مايمدحونه ويتكلمون عنه اعجبت فيه حبيته تعلقت فيه ماابي الا هو
رجعت لامي قلت لها انا ابيه قالت اوك اذا رجعو تكلمو بالموضوع بقولهم انه موافقين نزوجك الحين
وماتكلمو وظل الولد كذا ماخطب ولاتزوج علما انه كان عمره بذيك اللحظه 26 المهم واهله علاقتنا فيهم حلوه وبقد مااقدر احاول اكسب امه واخواته ومن قلبي اقولها والله لاصارو بعدين اهل زوجي والله لاحطهم بعيوني مرت 3 سنين وانا كل يوم اتعلق فيه وعندي امل انه زوجي اتوقع انه كل العيال يتزوجون الا هو بينتظرني واذا جابو طاري زواج احد غيره رفضت وظليت احلم فيه لدرجة سويت زواجنا وجهزت عفشي وحتى شهر العسل وكل شي ووووووووووووقسم كل شي كل ماحطيت راسي بالليل من 3 سنين وانا ماافكر بغيره وانتظر يوم التخرج المهم 3 سنين وانا احبه كل يوم عن اليوم الي قبله ااااااااااااااه بس ااااااه حتى ادور قناته باليوتيوب واتابعه واستغفر ربي وادعيه ليل ونهار يكون من نصيبي والله ياابنات انه نسبي يشرف واني انسانه جداااااااا متدينه اخاف الله وووووووربي والله مو جالسه امدح بنفسي لا والله وفيني ملح وربي اني سنعه وطول حياته امه بس تمدح فيني وتموت ع امي وابوي واهلي كلهم
البارح بالليل لقيت امي تكلم بالتليفون اسمعها تقول انه خطب بنت عمه بنت عمه عمرها 18 وهو الحين صار عمره 28
سمعت الخبر قلت الله يوفقه بعد ساعه استوعبت انه مراح يكون لي دموعي بدت تنزل دخلت غرفتي والله جلست اصيييييييييييييييييييح مثل الطفل الصغير الي اخذو لعبته منه جلست اصيييييييييييييييييييح واصييييييييييييييييييح وجلست ادعي ربي بسجادتي انه يرجع لي ويطلع هالكلام اشاعه والله بحياتي كلها مانزلت دمعه غير امس والله نمت ودموعي ماتوقف وحالي الله اعلم فيه كئيبه وجالسه بغرفتي وعيوني ماتوقف من هالدموع قلت خلاص لازم انساه نسيت ساعه بس كل لحظه بحياتي اتذكره لانه بينت احلامي وحياتي عليه عجزززززززززززت والله تعببببببببببببببببببببت تعببببببببببببببببت
اكتب لكم ودموعي في عيينني
تكفووووووون قولو لي وش اسوي هل في امل اذا دعيت واستغفرت يرجع لي من غير شر ع البنت والله مااتمنى لها الا كل خير لكن هي صغيره ونصيبها بيجيها ان شاءالله
انا مو خايفه من العنوسه لاوالله مايهمني
انا مااتخيل حياتي بدوووووووووووونه تكفوووووووووووووون شورو علي والله ماادري اشكي لمين وهل الدعاء والاستغفار اكثر ممكن يرجعه لي تكفوووووووووووووووووووووووووووووووووووووووووووون
