خطيبي واتصالاته

بنات انا عضوه جديده وشفت كيف انكم كلكم اخوات و بتساعدوا بعض حبيت اعرض لكم مشكلتي عشان تساعدوني
انا صارلي 8 شهور مخطوبه خطيبي ابن حلال بس علطول بحسه ماهو مهتم وكان انا مو اهم شئ
بالنسبه له علطول يخرج ويتبسط مع اصحابه وفي اخر اليوم يكلمني
وكانه بيكلمني تقضية واجب ولما يكلمن يقولي خلاص انا بروح انام
واوقات اقوله خليك شوي نفسي اكلمك شوي يقولي انا تعبان او اي شي تاني
نفسي احس بالحب والاهتمام
انا كذا مره قايلتلوا دا الكلام بس لا حياه لمن تنادي وكلام الليل يمحيه النهار
والي زاد الايام دي انه حتى ما يستحمل مني ولا كلمه وردت فعله صارت عصبيه
وانا تعبت والله ونفستي خلاص زفت
حاسه اني ناقصني حب وحنان وطول عمري هوا ده الي اتمناه في زوجي وللاسف ماني لاقيته
ساعدوني بالله عليكم يا بنات ايش اسوي والله كل شوي ابكي وتعبت من جد
الله يوفقها يا رب الي ترد علي