يقول اني مهمله ولدي تعالوا اقرؤا موضوعي

بداية الحمدلله ع كل حال لك يارب حتى ترضى وبعد الرضى
قصتي عندي ولد الحمدلله وماشاء الله وزنه فوق الطبيعي هذا كلام الدكاتره
وصحته عال العال الحمدلله تعرفون مع تغيرات الجو الصغار مايتحملون خصوصا في جو الرياض واليومين اللي مروا كان برد ونحن يالكبار ماسلمنا من نزلت البرد كيف الصغار
بقولكم ولدي جاته كحه وزكام وديته افضل مستشفي واحسن دكتور قال بالحرف الواحد قدام زوجي قال ماشاء الله وزنه فوق الطبيعي ومافيهوش اي حاقه غير انو عنده نزلت برد خفيفه ومايحتاق غير لشراب كحه وقطره للانف ميه وملح
طلعنا من المستشفي وزوجي يسولف وكذا وفجأه قال انتي مهمله ولدك وماني فاضي اوديه بأخر الليل كله بسببك

للعلم ولدي دايم البسه بربتوز+فنيله كم طويل شتويه وبنطلونها معها غير اللبسه الخارجيه والشرابات
لحد مايثقل ولدي
ولما ينام طبعا هو اول طفل ورضيع وسريره جنب سريري كل ماسمعته كح فزعت كل مابكي وهو يحلم اصحي بالليل للصباح اسويله اقل شي 3 رضعات
والحفه كل شوي وطبعا الطفل كثير التقلبات من عمر سنه
وطبيعي يرفع الغطا وكذا لانه حرام كاتمته بالملابس
وفوق كل هذا يقول عني مهملته
ورب الكعبه لما اروح حتي الزيارات اجلسه بحضني وأأكله قبل لا اكل
لاني ام ما ارتاح اكل قبل ولدي
وامس الصبح صحيت وفطرت زوجي وطلع رجع بعد الظهر واول مادخل وجهه منقلب وانا لاحظت
وجلس يلعب مع الولدوانا جيت عنده سئلني عن الولد وقال الحمدلله طيب وكذا
ومزحت معاه وضحكت وهو ابتسم ابتسامه مجامله وهو مو عادته كذا
قلت بتنام قال لا
قلت بقوم عندي شغل وخليته مع ولده للعلم ماعندي شغل بلحظتها بس صرفت نفسي عنه
وشويات كنت اقرأ قران وخلصت رحت للمطبخ ورجعت للغرفه كان نايم والولد عنده يلعب
وكملت لبسي عشان ازور اهلي
ورجعت للغرفه مالقيته ولقيت الولد نايم وانا طبعا ملبسته كالعاده ومثقله عليه والجو مو بارد مرا
دخلت الغرفه لقيته نايم واللمبه شغاله رحت قريت ورد من الاذكار وكذا يمكن ربع ساعه بالضبط ورجعت للولد لقيته يمص اصبعه رحت عبيتله رضاعه وجلست جنبه ارضعه ولما خلصت قمت بجيبله لحاف الا زوجي جاي وجايب اللحاف وقال بتروحين لاهلك قلت ايوا
ورحنا وبالسياره قالي ليه تخلين الولد ربع ساعه بدون بطانيه قلت كنت ارضعه ولما رضعته رحت اجيبله بطانيه وانت سبقتني قال انتي مهمله ولما دافعت عن نفسي واني ما انام زين وكل شوي اصحي الحفه قال طبيعي لانك امه قلت طيب لاتحكم علي اني مهمله قال انتي خراطه انصدمت وقلت رجعني للبيت عكرت مزاجي الحين انا خراطه قال خراطتين وانقهرت قلت حسبي الله ونعم الوكيل ونزلني عند اهلي دخلت ودمعتي بعيني والبحه خانقتني سئلوني اخواني واهلي وشفيك قلت خايفه ع ولدي وحاولت انسي شوي الا يجي ابوي ويطيح علينا وكلنا انصدمنا واتصل اخوي ع اخو زوجي بحكم انه دكتور واجا هو وزوجي والاسعاف
والحمدلله عدت ونفس الليله ارسلي زوجي بتنامين عند اهلك والا امرك قلت مرني ورحت معاه
دخلت البيت وانا ضايقه ولاقالي الحمدلله ع سلامة ابوك وناداني جيبيلي هذا الغرض من الغرفه وجبته وانا ما اتكلم معه ابدا
ودخلت الغرفه ابكي واقرا قران واستغفر وطلعت اجيب حليب من المطبخ لولدي الا يناديني وين علاجي سكتت ورحت اجيب العلاج
ونزلته عنده وقالي وين المويه ومارديت عليه دخلت الغرفه عبيت للولد ولحفته وطفيت النور ووقتت جوالي ع صلاة الفجر ودخل قالي وين المويه قلت عندك واشرت ع الكمدينه عليها كوب فيه بس ربع مويه يكفي يشرب علاجه قالي انتي دايم كسوله والبيت مافيه شغل رديت وليش ماجبتي مويه قلت انا موخدامه كل دقيقه تطلب مني جيبي وودي
قال بالحرف الواحد تكرم الخادمه عنك واخذ جوالي مني
طول الليل وانا مصدومه واستغفر وهو اشوفه يتقلب مانام الا بعد الفجر لاول مره
وانا بعد مانمت وكان يلزق فيني وانا ابعد بالاخير صرت ع حافة السرير اخذت مخدتي وبطانيه ولدي ونمت ع الارض في نفس الغرفه طبعا هو مانام لبعد الفجر وانا رحت بسابع نومه بعد مابكيت عشان ابوي
كيف بتطمن ع ابوي والجوال معاه واهاني
وقال لابغيتي اهلك اوديك
انقهرررت المهم صحيت الصبح ورضعت ولدي وسويت فطوره وحطيته ع السفره وصحيته 3 مرات وبرد الفطور
ورحت نمت وصحينا ع الساعه 1 و40دقيقه قمت ركبت الغدا وقدمته وقلت الغدا وطنشني لبس ثوبه وطلع

يابنات انا اكل علاج للبطن وقوي طول الوقت مغص والام بالظهر والرأس والدكتور قايل لزوجي انه له اثار جانبيه وبياثر ع نفسيتها لازم تاكله شهر وتتركه

وبيتي كبير ودايم يغبر وهو طالع برا وانا مسح وشغل وكنس وهو دايم يرمي ملابسه وصحن اكله ويترك كل شي بس يوسخ وانا وراه حتي ملابسه الداخليه اجهزها له وهو بالتواليت
وقبل المشكله انا ملبسته ملابسه الداخليه ومسويتله اجواء رومنسيه وشموع وورد كذا يوم
وابوي تعبان ابي اتطمن عليه وهو ماقدراللي انا فيه و هزئني واخذ الجوال

وانا صابره ع عيشة الفقر اللي هو معيشني فيها وكل ما اطلب منه فواكه او خضار يطنشني
المطبخ مافيه الا طحين بر ودجاج ورز وبصل وطماط
وابي اغذي ولدي بالفواكه واغذي نفسي
وصرت اطلع وازور القرايب عشان اغير جو وااكل ولدي من عند الناس
واذا رحت لاهلي اخذ من عندهم شوية فواكه ومره اخذت سمك ومره اخذت لحم

وهو يعايرني انتي بس مسايير ومهمله ولدك
حتي ملابسي وملابس ولدي كل ماطلبت منه يقول الشهر الجاي واخواته يتريقون ع لبسي
ويقولون ليش ماتلبسين كذا او كذا رحت اقولهم زوجي مايقصر بس يمر بضيقه ماليه وما اقدر اضغط عليه وكذا
امي تعبانه ما اقدر اشكيلها وابوي تعبان
انا مالي غيركم زوجي طيب وعنده ضائقه ماليه وابوه وامه مرضى
وصابره عليه ليش كل مامرض الولد قالي مهمله تعبت كل الناس والقرايب مرضوا من تغيرات الجو
ساعدوني الي تدبرلي وظيفه بتصدق عنها كل شهر انا بالرياض