موضوع الاستديوهات .وفضايحهم .. من جديد

السلام عليكم

بنات طبعا كلكم تعرفون الموضوع اللى كتبته عن استديوهات التصوير وفضايحهم وتلقونه في توقيعي
كنا نقول ان كثير من المراكز تستغل جهلنا بخصوص مواضيع الطباعة وخلافه الغير شرعية والغير اخلاقية والبحث عن السعر والتكلفة القليلة
واشهرها المراكز الكبيرة في الدمام والخبر والجبيل والاحساء والاسماء سيتم ذكرها عالخاص

ما ابي اوسوس , ولا ابي اخوي في يوم يشوف صورتي في جوال صديقه , ولا ودنا ازواجنا يحصلون صورنا على صفحات الانترنت , ولا نبي نلقى صورنا مترمية هنا وهناك وفي مراكز الصيانة , ولا نبي هندي ولا فلبيني يبتز صاحب الاستديو مقابل فلوس …. حنا اللى بندفع الثمن مثل ما حصل سابقا في مدينة الخبر

ببساطة سؤال يطرح نفسه:
ابي افهم ليش زميلة لنا تصورت يوم زواجها عند استديو (……..) في الدمام , فجاة حصلت صورها بمحض الصدفة مع مجموعة بنات في كلية الدمام يتناقلوها بينهم وبين بعض بدون علمها ؟؟
سؤال ثاني:
ليش تدخل وحدة استديو (…………) في الخبر وبدون مقدمات تحصل صور بنت عمها موجودة للعرض في يد زبونة تبي تحجز لزواجها ؟؟؟؟
على اي اساس يقول صاحب احد اكبر المراكز في الدمام لإخت العروسة : ما شاء الله اختك جميلة يوم زواجها بس للامانة وجهها كان تعبان في الصور شكلها ما نامت زين !!!!!!
ام صديقتي شخصيا دخلت عند استديو ( ………….) في الخبر وطلبت ان تتم الطباعة امامها !! رفضوا كليا وقطعيا وبشتى انواع الرفض الغير نمطقية
طيب هاذي صور بنتها !!! يعني هي ماطلبت تشوف طباعة صور بنت ثانية !!
اذا فعلا عندكم الطابعات والطباعة ما تتم عند رجال ليش رافضين ؟؟
وش سياسة هالمحل اللى ترفض ان الصور تنطبع قدامنا ؟؟ هذا مب حقنا في صورنا ؟؟؟
بنسرق التقنية ؟؟ الانترنت مليان مليون فكرة ويقدر يشرح مليون تقنية والتقنية ماتنسرق من يوم واحد

زبدة الكلام :
انتبهوا من المراكز الكبيرة لان الطباعة بإختصار ماتتم عندهم وهذا اللى توصلت له بعد البحث والتدقيق العميق خصوصا الالبومات اللى يقولون لها ( تمساح – تاج – علبة – قزاز – كريستال – زجاج و و و و و و و و و ) واتحدى
لان الاجهزة الموجودة في المراكز امامنا هي فقط لطباعة الصور البسيطة الصغيرة و مجرد وهم حتى لا يلتفت نظرنا للامور الاكبر المخفية
ولا احد يقول في ذمتهم بينهم وبين ربهم !!
ولا احد يقول لا تتصورون في زواجاتكم !!
انا وش استفيد يوم ان الرجال يكشفون عوراتنا ؟؟
انتي ما يهمك !! حنا يهمنا
مؤخرا المراكز صارت تقول
ترى صوركم بتنطبع في الهند والتسليم بعد 6 شهور !!
في المانيا !!
وفي البحرين !!
وفي مصر !!
الفكرة والهدف واحد : لا للغش , ولا لكشف العورات , لا للاستغفال , لا للتقليد الاعمى , لا للغيرة
وانا عن نفسي حليت هالموضوع نهائيا
ارتحت وشفت طباعة صوري قدامي الحمدلللللله اخذهم وامشي وانتهى

بعدين وش سالفة الاسعار الخيالية حق الالبومات ؟؟؟ وش هو اللى 15 الف البوم تصوير !!! ولا 25 الف بس هو الالبوم حق الصور ؟؟؟ مادري هم صاحيين ولا يستهبلون ؟؟؟
ولا تقول لك : بنسخدم لك خلفيتين وبعدين نرميهم ماحد يستخدمهم بعدك !!! سلامات , شايفة فيني مرض معدي مثلا ؟؟؟
حشى لو تطلقتي مايسوى عليك سعر التصوير وهالخساير اللى حاطتها في البوم ويا ليت وحدة حرمة طابعته !!!
اكرر
ما ابي اخوي في يوم يشوف صورتي في جوال صديقه وحصلت سابقا في الشرقية
مانبي ازواجنا يحصلون صورنا على صفحات الانترنت وحصلت في الخبر عام 2003
ما نبي نلقى صورنا مترمية هنا وهنا وحصلت في الخبر
, ولا نبي هندي ولا فلبيني يبتز صاحب الاستديو مقابل فلوس مثل ما حصل عام 2006 في الدمام …. حنا اللى بندفع الثمن
انتبهوا يا بنات
وارفعوا الموضوع وانقلوووووه رحم الله والديكم