عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لا اله الا الله محمد رسول الله.۔
بسم الله الرحمن الرحيم
أخواتي اتمنى القى منكم الجواب الشافي بأمر الله.۔ انا البنت الصغيرة والوحيدة الان في البيت اخواني وخواتي متزوجين ومسافرين بمناطق اخرى.۔
صراحة منحرجة اخبر اختي الكبيرة بالموضوع .۔ انخطبت لشخص بدى لي من الوهلة الاولى انه مثقف فاهم واعي عمره 26 سنه .۔ الكل يمدحه .۔ طلب بعد الخطوبة ان نتواصل ووافق ابوي وصار يتصل واعطاني ايميله.۔
حسيت في اول اتصالته اللهفة والوله ومن هالامور .۔ لكن بعد شهرين.۔ خف هالاهتمام وما اخفيكم انا احب الشخص اللي يهتم فيني يعني لو مالقيته منه من وين بلقاه ما قلت انه يجلس لي 24 ساعة لا افهم ان لازم تكون له نشاطات ومساحة خاصة به .۔ من الي صار لي معه انه يتكلم معي بعد دقيقة برجع اتصل ويتصل بعد 3 ساعات منو هالانسان اللي يتكلم معه ثلاث ساعات ( اول مرة احس الشباب يتكلمون كثير بالجوال ويا بعض )ويرجع يتكلم معي ويراضيني بكلمتين .۔ المهم سألته عن نظرته وترجمته لمعنى الحب انا هنا انصدمت.۔ قلت والله اعرف العطاء والاحترام والاهتمام والمشاركة والاحتواء هو قال لي ؟!.۔ ( ان الحب ممكن يوصل للادمان اذا صار فيه احتكاك مباشر ( ياريت تفهمونها يعني اللي مفروض ) اللي المفروض يحصل بعد العرس بس من غير الاحتكاك المباشر ..
طبعا ذا من دون الزواج خفت بكرا يقول لي بجي البيت وابوي وامي موظفين يعني اتم باالبيت بروحي وهو يعرف .۔ قلت له انت تحسسني انك متربي في مدارس باريس ؟ مو بمدارس وجامعات هنا قال وسعي مداركك .۔ بعد كم يوم طلب مني اوصف نفسي وتفاصيل جسدي ويسأل هنا وهناك طبعا بطبعي كبنت كنت استحي وما ارد اكتفي بالسكوت شوي شوي طلب مني افتح الكام ويوم رفضت زعل وانقلب وصار اهتمامه فيني اقل وقلت بيني وبين نفسي اذا فتحت كام وانا مو موافقة طبعا بكرا بيتمادى ويطلب طلبات اخرى اعظم .۔ بصراحة افكر اقول لاهلي اني ما ابيه .۔ لان نظرتي فيه كانت خطأ هذا مع مشكلة انه ما يهتم .۔خواتي انصحوني شلون اخليه يهتم فيني ويحترم وجودي هذا اولا وان كان شوركم اخليه خبروني مع فائق احترامي لكم…۔
