حيآتي ولا شي !!

مدري كيف ابدء لكن قصتي طويلة وماطرحتها هيينا الا اني احس اني بنفجر من الكتمان ابي اقول الي بنفسي وارتاح

انا عمري 19 تخرجت العام من الثانوي طبعا بنسبة عادية واقل من عادية وانقبلت في الجامعه انتساب
وكل شي كان ماشي تمام وكنت بحول الفلوس للجامعه وابوي موافق والكل لكن جاء اخوي الكبير
وقال (لا ليش هي غير عن بنات الناس ماشدت حيلها ودخلت بمجهودها ومن ذا الكلام الخ) وفر مخ ابوي بكم كلمة و رفض ابوي ادخل الجامعه مع ان حالتنا الاجتماعية ممتازة ويقدر يدخلني كليات اهلية لو بغى
بكيت وترجيت لكن من دون فايدة للعلم اخوي هذا دخل انتساب مدفوع وع حساب ابوي كماان
لكن انا لا لاني وببساطة بنت ومااقدر اخذ حقي
رضيت بالامر الواقع وجلست بالبيت ادق ع صحباتي كل وحده مشغوله بالدراسه
ادق ع بنات خالتي وهم كذلك وين اروح بالله
قلت ماابي ايئس وبسجل دورة انجليزي او اي شي اشغل بيه وقتي ولا اقعد كذا لان نفسيتي تعبت
اشوف العالم تدرس وانا جالسه لا شغل ولا مشغله واخر شي اشوفهم يتخرجون وانا مازلت انا
رفضت هذا الواقع ورحت لابوي وقلت بسجل قال اوكي ورجع اخوي الغثه من جديد وقال لا
وابوي وراه لييييش ي نااس انا وش سويت له والله معاملتي له مع الي سواه فيني طيبه
بلعت المر وسكت وماتوقف ع كذاا
يبي يأخذ الاب وجوالي لييييييييييه ؟؟؟؟؟؟؟؟؟؟؟؟؟؟؟
وش تتوقعون الجواب منه :الفراغ يودي للمصايب ههههههههههههههههههههههه

ي ناس انتحر ولا ايش بالضبط
اذا كنت بنحرف فالسبب انت ي اخوي العزيز والله مااسامحك اذا سار في عقلي شي !!

هذا غير موضوع خطوبتي المعلق من اربع سنين من واحد بارد وغير مبالي

انخطبت من وانا عمري 16 اكثر قرار ندمت عليه وراح اندم عيه طول حياتي
وقتها كنت صغيرة ومااعرف وش عاقبة هذا القرار الطفولي
بس هذي مو غلطتي غلطه امي وابوي الله يسامحهم اخذوا قرار مني وانا مااعرف شي بذا الدنيا
ليش ماقلتوا البنت صغيرة واذا تخرجت تفكر في الخطوبه لما قلت لهم هذا الشي
قالوا هذا قرار انتي اتخذتيه وانتي حره بحياتك !!!!
حره في حياتي في موضوع زواج يعني راح اكمل باقي حياتي مع ذا الشخص ؟؟
راح تقولون يمكن يكون شخص زين ومن ذاا كلام وسمعته
طيب واذا قلت لكم ان اذا احد جاب سيرتي قدامه مايقول شي ولا يباان عليه شي باااااااارد
وغير كذا انا شايفته بـأم عيني يغازل وحده في مكان عمله (صيدلي) قلنا حركات شباب ويمكن يعقل بعد الزواج

ونسيت الموضوع ….۔

لما كنت بالثانوي كنا انا واخته بمدرسة وحده ومره من المرات تـأخر سواقي واضطريت اروح معهم
كنت فرحانة ومرتبكة حتى اخته لاحظت المهم خرجت وهي قالت له واحنا بالسيارة فلان بنوصل فلانه
لبيتهم سواقها مشغول تخيلوا وش قال (اوووووووف) قسسم بالله كرهته للدرجة هذي يكرهني طيب ليش خطبتني ليش ؟؟
طبعا اخته بررت الاوف هذي انه طفشان من الزحمة مو مني قلت يمكن لكن رسخت في بالي
حتى لو طفشان طفشان من الزحمه مو يطلعها قدام خطيبته من باب الذوق يعني حتى لو مااعني له شي

حاولت في امي انها تقول لابوي اني ماابيه وابي ننفصل رفضت بقووة تقول الناس مو لعبة عندك مره موافقة ومرره ماتبين وش تبين الناس تقول عناا ؟
طيب انا مافكرتوا فيني
مو حرام اكمل حياتي مع واحد مايبني والاهم انه خاين

انا نفسيتي زززفت وفي تدهور تعبت والله