عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته ,,
يابنات الفراشه النسائيه…
والله الذي لا اله الا هو اني اول مره اطرح مشكله بس مو عني عن اخت وحده من اغلى صديقااتي الاصيلات
المشكله عن المس الداخلي بسبب العين
بس مس مو أي مس،،
هو شيطان من الجن الكافر حسبي الله ونعم الوكيل على من آذآها
الموهييم//
اخت صديقتي صااابتها العين وهي صغيررره عمرها حوالي 5 سنوات تقريبا وتلبس بها مس من الشياطيين الكااافره
والحييين البنت عمرها 25 سنه والمرض بااقي فيييها
تخيلوا يااا ناااس انها من صغرها الى الحين ماتعرف تنطق اسمها
تدروون ليييش !!!
لانها صمى وبكمى يعني ماتسمع ولا تتكلم
الا بالاصح مو هي الصمى والبكمى الشيطااان الكافر اللي تلبس فيها بسبب العين اصم وابكم مايسمع ولا يتكلم فصارت هي مثله ماتسمع و لا تتكلم,,,
والعيين جااتها بسبب جمااالها وذكاائها >> عيون الناس اللي ماترحم لا صغير ولا كبير حسبي الله ونعم الوكييل على كل من آآذت بنات الناس بعيونها وبنفسها المشهوووبه
وسبحان من خلقها جمال رباني ماشاااءالله تبارك الله عليييها ربي يحفظها من عيون الانس والجان ويرفع عنها ويشفيها من كل عين معجبه اوحااسده ويبطلها ويمحي اثرها ويزيل اذاها وضررها يااارب,,
قسم بالله لما شفتها على زواج اخووي ماتوقعت انها مريييضه البنت ماشاءالله عليها ملاك يمشي على الارض ربي يحفظها ويفرج عنها ياارب و حسبي الله ونعم الوكييل على كل من نظر اوتكلم ولا ذكر اسم ربه وبارك
الموهييم//
اهلها متعذبين معها وربي تقول صدييقتي مانقدر نخليييها لوحدها في البيت نخاف تسوي شيء مو زيين لان الخبيث الكافر همه بس يخرب البيت ..
تقول مااخلت جوااال لاخواااني الا وكسرته
حتى اخوانها يحاولون مايخلون جوالتهم قدامها
وتقولي مره تركناها بغرفه وقفلنا عليها عشين لا تطلع
وبنهايه كسرت مكتبة لوحده من اخواتي كانت توها شاااريتها من مكافئتها حقت الجاامعه
تقول جننتنا كل اشوي وحنا نلقاها ياكاسره شيء يا كاابه شيء ياامسويه شيء مانبيها تسوييه,, همه اللي متلبس بها بس التخريييب
تقوولي صاار عقلها مثل عقل الاطفاال واخس
تقولي مانقدر نخااصمها لانها مثل الطفل ماتفهم
وحتى ماتعرف وش نقوولها
ولا تااكل من اكلنا بس نعطيييها ابر مغذيه عشين لا تمووت
ودااايما واااقفه مااتجلس ابدا ولا ترتاح تشووفونها تفر البيت فر
ولا تنام الا بإبر منومه
تقول اذا ماعطينها ابر تجلس لصبح تفر البيت على رجوولها
تقول ماتعرف تصلي ولا تعرف تصووم
تقوول اننا نكلمها ماتفهم علينا تمشي وتخليينا
والله ياابنات ان حاالة هذه البنت حاااله مايعلم فيها الا فااطر السموات والارض
والله الذي لا اله الا هو اني في يوم كنت اكلم صديقتي اخت هذه البنت الممسووسه على التلفون
وربي واحنا نقرقر مع بعض ماوعييت الا وصوت صرااخ بنت كبيره يعني احس من صووتها مبحوح بقووه
فقلت لصديقتي بنت وشفييه
قالت لا تخافين هذه اختي المريضه اللي قلت لك عنها الله يشفيييها
قلت لييه وشفييها تصاارخ قاالت لا بس الحماار الكلب التعبان اللي متلبس بها شاافنا تجمعنا انا واخواتي بغرفه وحده فقااام يصاارخ يكره تجمعنا مع بعض يحب يشووفنا متفرقيين
بعدين ازدفرت زفره من قلبها وتقول ياافلانه ادعي ان ربي يفكها من ذالحياه بالموت وترتاح وترحينا معها
وربي ياابنات اني انصدمت والعبره خنقتني قلت لا حرااام هي وش ذنبها
قاالت والله اننا صرنا ندعي عليييها بالموت.. خلاص تعبنا 20 سنه مو سهله واحنا نعالج فيها ولا فااد معها شيء
والله ان صبرنا عليييها صبر ما احد يقدر يصبره
قلت لا لا هي مغلوبه على امرها يعني بدال ماتدعون لها بالشفاء تدعون علييها بالمووت
قالت ياافلانه انتي مادريتي والله ان قلبي يتقطع علييها لما اشووفها بهذا الحال والله اني لما افرح بالعيد وشوفييه فرحت المسلمين اتذكر اختي المريضه واتذكر حاالتها واجلس ابكي
انا خنقتني العبره ولا قدرت اتكلم
وصديقتي لما اشتد صراخ اختها غيرت الغرفه اللي هي فيها وراحت غرفه ثاانيه
وجلست تعلمني عن اختها
تقوولي تري كل جماعتنا يعرفون انها تعبانه حتى اذا صار عندنا عزوومه تجلس تصاارخ مثل كيذا واكثر تكره وجود الناس وجمعتهم في بيتنا
ومره واحد من جماعتنا قال لابوي والله انكم صبرتم على شيء ماينصبر علييييه
تقوولي جبنا شغاله لها لاني انا متوظفه واخواتي يدرسون اللي بالجامعه واللي بالمدارس والباقيات متزوجاات وخاايفين عليها لا تسوي شيء في البيت فيبغالها مراقبه فجبنا لها شغاله عشين بس تراااقبها
ويمين الله ياابنات اني حسيت ودي اشوف اللي عانتها واخنقها حسبي الله عليها
تخيلوا ياابنات انهم ودووها لا خصائي نفساني قال عندها توحد>>> أي توحد هذا اللي يجلس يدوور في البيت ولا يااكل من اكل المسلمين
مو صااحين ذالاخصاائين همهم بس يكرفون بالعلاجات لعيال امة محمد وبس
زعلت من صدييقتي قلت لها انتم تعرفون ان اختك مريضه بالعين و تروحون تودونها عند اخصائي نفساني!!!!
قالت ياافلانه ؛
انتي ماتدرين احنا ودييينها عند اكثر من شييخ ما تتأثر لان الملعون الكافر المارد اللي متلبس بها مايسمع اصم فكيف يتأثر
تقول عند الشيخ هااديه وما تسوي شيء واللي يشووفها يقول مااافيها شيء واذا رجعنا البيت تجلس تقلد الحريم اللي شاافتهم عند الشيخ تضرب براسها في الجدار وتصاارخ وتجلس تبكي
انقهرنا منها واحترنا فييها وتقطعت قلوبنا عليها بنفس الوقت
قلت اللي علييها شكله مااارد ونصراني وعنييد وحيااال كيذا المرده النصاارى يعاندون ويحتااالون بقوووه ويقوون انفسهم على كلام الله ويعاادون الانس من المسلميين
قاالت والله انها اذا شاافتنا مشغوولين عنها تروح المطبخ وتطلع منه وهي تضحك نعرف انها سوت شيء مو زين
ندخل نلقاه الخبيث قد فتح الغااز وخلاه شغال وطلع
والا قد فكت بزابيز الموويه والا قد كبت شيء ،،
الموهيم لازم تخرب شيء تفرح اذا خربت شيء >>موهي هو لانه الكلب محضرها اربعه وعشرين ساااعه
قلت هذه مو حركات الاطفال او اللي عندهم مرض نفسي !!!
تقول صديقتي لما يأذن الفجر والا المغرب تجلس تصييح وتبكي
قلت سبحان الله هالوقتين يكرهونها الشياااطين
تقولي يسمعونها جيرننا وهي تصاارخ وتبكي كل ما اذن الفجر او المغرب وهم يعرفون من اول انها مريضه رحمووها فجابولها شيخ يعرفوونه يقرأ عليها في البيت فصار يجي عندنا ويقرأ عليها ويطلع وجلس على ذالحاله اسبوع تقولي والله انها تحسنت عنها اول صارت تنطق بعض الكلمات وصارت تعرفنا وتفهم عليينا لانها اول ماتعرفنا ولا تفهم اي شيء.. بس المصيبه ان هذا الشيخ انشغل وسافر فرجعت اختي على حااالتها الاولى واردى ,,,
,,,,,,,,,,,,,,,,
يااا بنااات انا ما كتبت لكم قصة اخت صديقتي بكل اللي اعرفه عنها عشين تحزنون عليييها وتدعولها بالنت وبس !!!!!!
لا… انا ماكتبته الا اني ابيكم تدعون لها في كل ساااعة إجاابه لعلى منكم وحده تفتحلها ابواب السماء ويقبل الله منها دعاائها وينقذ بدعائها هالمسكييينه اللي من عشرين سنه مآ ذاقت طعم لراحه ولا عااشت مثل مايعيشون بنات خلق الله
حتى طعم حلاوة الصلاه والصيام والقيام وقرآئة القرآن ماااذاااقته بسبب هالمرض الخبيث اللي تسلط علييها وتمكن منها من يووم هي طفله إلى حد ماصاارت شااابه في عمر الزهووور
ادعوولها ياابنات تكفوون ادعوولها ان ربي يعجل بشفااءها ويخرج هذا الشيطان الخبيث من جسدها يا ينحرق يايعاهد ويخرج منها ولا عاااد يرجع،،،،،،،،،
،،،،،،،،،،،،،،،،،،،،،،،،،،،،،،،،،،،،
،،،اللهم ياحي ياقيوم يامن لا تراه العيون في هذه الحياه الدنيا ولا تخالطه الظنون ولا يحيط بوصفه الواصفون ولا تغيره الحوادث ولا يخشى الدوائر ويعلم مثاقيل الجبال ومكاييل البحار وعدد قطرات الامطار وعدد ورق الاشجار وعدد مااظلم الليل واشرق عليه النهار يامن لا تواري منه سماء سماءاً ولا ارض أرضاً ولا بحر إلا وانت تعلم مافي قعره ولا جبل إلا وتعلم مافي وعره أسألك بإسمك الأعظم الطاهر المكنون ان تشفيها وترفع مانزل بها شفاءا لا يغادر سقما ولا هما ولا مرضا ولا وجعا ولا وصبا و غما ولا ضيقا و لا الما الا وكشفته عنها وازلته عنها يااحي يااقيوم
اللهم أني اشهد انك انت الله الذي لا اله الا انت الحق المبين يامشرق البرهان وياقوي الاركان يامن رحمته وسعت كل ماخلق وكان ويامن لا يغيب عنه شيء في الارض ولا في السماء أسألك باسمائك الحسنى وصفاتك العليا ان ترقيها وتشفيها من كل سقم وضر وبلاء وان تبطل كل عين حاسده او معجبه اصابتها وان تذهب اذاها وتبرد حرها وتزيل ضررها وتخرج كل مس من جسدها تائبا او مدحوورا وان ترحمها ياربي برحمتك وتنظر اليها بعين رأفتك وتلطف بها فانت الرحيم الرؤف اللطيف ياا ارحم الراحميين واجعلها في حصن حصييين من كل كيد ومكر وحسد وشيطاان رجيييم
اللهم اشفها اللهم اشفها اللهم اشفها واشف كل مريض ومريضه من كل سحر او عين اوحسد يااا من على كل شيء قديير ياااارحم الراحمييين ياذالجلال والاكراام,,,,
اللهم امييين اللهم امييين اللهم آآآآميييييييين,,,
اختكم في الله،،
عاشقة سفر من ظلم البشر
أللهم من عاادني فعاااده ومن كااادني فكده ومن بغى علي بهلكه فاهلكه
ومن ارادني بسوء فخذه اخذ عزيز مقتدر يااارب العالمين
وحسبي الله وكفى وسمعى الله لمن دعى وليس وراء الله منتهى,,
