امي ياابعد هالكون

السلام عليكم ورحمة الله
اخباركم بنات
انا اليوم بفتح قلبي لكم وبحكي لكم قصة امي الله يخليها لنا ويطول بعمره
بصراحه انا اليوم لمن شفتها متضاايقه تمنيت اسوي اي شي بس ابي اساعدهاا
انا اعتقد امي مصابه بالعين بحكي لكم القصه ونتم احكمو بأنفسكم
امي لمن تزوجت ابووي كانت اسعد وحده بالدنياا ابو مو مخلي عليها قااصر بأي شي وكان يحبهاا حب مو طبيعي
عمت ماتحب امي تكرها وتغار منهاا مدري ايش السبب
بعد زواج امي بعشر سنوات عمتي قالت لابوي بخطب لك وحده اعرفها انها بنت حموله وسنعه واخلااق وجماال
والمهر وكل تكاليف الزواج علي << بذمتكم وش يعني كلامهاا ؟؟ انها تكره امي
طبعا ابووي وافق اغرته حسبي الله ونعم الوكيل على الي كان السبب
المهم انها دبرت كل شي ورتبت لزواج
تخيلوو بنات يوم زواج ابووي كان بنفس يوم ولادة امي جابت ولد بعد ولد وثلاث بناات
تزوج ابوي وسافر شهر العسل بعد مده من زواجه مااقتنع بالزوجه كانت عكس الي مدحتها له عمتي مافيها ولا شي من الي قالت عنه
بعد زواجه بخمس شهوور طلقهاا وانا احط الوم على عمتي لانها غشته بالبدايه وثاني شي خربت عليه وعلى امي
تخيلوو اخوي الي ولدته امي بنفس يوم زواج ابووي صار عمره خمس سنوات وهو مايتكلم ولاينطق وراجع ابوي فيه مستشفيات كثير وكلهم يقولون الام تعرضت لحااله بفترة الحمل طبعا ابوي تحسف وندم على الي سواه ورجعت المياه لمجاريهاا زي اول واحسن
بعدها بسنتين تزوج عمي امي راحت لجدتي بتباارك لزوجة عمي وتحفلها بمناسبه زواجهاا
تدرون وش قالت لهاااا ؟؟
قالت مره عمي لامي انا اكرهك وانا اول مره اشووفك تدرين ليه قالت امي ليه قالت من كثر مااسمع الناس تمدحك انتي وزوجك كرهتك ابتسمت امي وقامت
من بعد هالسالفه وابوي معتفس حااله حتى البيت كرهه وصار مايجي البيت ابد بس يجي ياكل ويطلع
وينام برى البيت كره كل شي جلس على هالحاله سنه تقريبا وصار يقراء عند شيخ وصار ماينام اليل من الضيقه وبعدهاا بفتره رجع البيت وصار ينام بالبيت بس مايصير بينه وبين امي اي شي واعتقد انكم فاهمين علي
وماطول على هالحال الا وتزوج مره ثاانيه وصار يحب بيت زوجته الثانيه اكثر من بيتناا ويرتاح هناك اكثرر
وقرر ابوي يبيع البيت وباعه وسكنا بيت اجاار وصار الحمد الله يجي البيت ويجلس معناا وتغير شووي عن اووول
وامي مره حلمت حلم ولمن فسرتها قال لها الشيخ خوذي من الشخص هذا وقال لها اسمه بس امي ماتقدر توصل لشخص هذاا
والحين ابوي يحب زوجته الثانيه وامي بس حق الشغل والكرف والعزايم والثانيه مرتاحه ماتسوي شي
واذا صار يومنا بيجي ابوي عندنا مايجي الا مومعه عياله من زوجته الثانيه 🙁
امي مره تعبانه نفسيتها من هالموضووع وكثير تسرح وتفكر وانا ماحب اشووف امي حزينه واسكت
ودي اسعدها لوو اخسر عمري بس اشوفها مبسووطه
وماني عارفه كيف