عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
اخبااااركم حبايبي
باااذن الله كلها كم ليله واترك العزوبيه واصير مره سنعه واودع الفله والرجه
راح تبدا رحلتي في عاااالم المتزوجاااات واسراره متحمسه على اسراره >>>>لايروح تفكيركم بعيد عارفه نواياكم 
ياااني شايله هم فراق اهلي
راح افقد ضحكت (امي) وصياحها علي راح افقدها يوم تصحيني من النوم وتطفي علي المكيف وتولع الانوار عندها امل اصحى كلها ثواني واطفي النور واشغل المكيف وارجع اناام وترجع ودها تكفخني >>بس ابشركم كنت كل مره اتجنب التكفيج بسلام
راح افقد (ابوي ) يوم يصحى يروح الدوام ويلقاني صاااحيه ويعطيني النظره الي يقشعر بدني لهاااا ويقول بصوت كله عصبيه متى ودك تنامي وارد بكل برود وبراءه الحين داخله خلاص >>>المشكله ماناااام
راح افقد اول مايستلم الراتب يوم اجي عنده وابوس الراس >>ناااويه على فلوسه
اقول استلمت الراتب ويقول ليه اقول ابي فلووووس وانشب لين اخذها منه >>>فديتني شديده
وحزنانه موت اني راح اودع خويتي (بيبو )ونيستي في البيت وحبيبة قلبي راح اروح واخليها وحدها والله واجعني قلبيي يارب صبر قلبي وقلبها والله كل ماشوفها واعرف انها راح تكون لحالها احزززززن وودي اخذها معي >>>تحسوني تحمست شوي
راح افقد هواشي انا وياهااا وضحكنا اخر الليل راح افقد ضحكتها وطيبة قلبهاااااا
راح افقد (عزوز) يوم يجي ويقول لي سكررررره تحبيني اعرف من هالكلمه انه يبي مني شي >>>افهمها وهي طاااايره 😆
راح افقد صوته وهو يغني راح افقده كله على بعضه
راح افقد سريري راح افقد كل شي في بيتنا راح افقد جلستنا في رمضاااان على السفره راح افقد العيد مع اهلي راح افقد الرياااااض بكبرهاااااا
ياااارب صبرني على فراقهم وصبرهم على فراقي وتمممم جميع اموري على خير واسعدني مع زوجي وجملني في عينه واجعله يراني اجمل نساااء الدنياا واعمي بصره عن عيوبي واعمي بصري عن عيوبه وارزقني منه الذريه الصالحه
