أخت صديقتي فيها مس

بنات بدخل بالموضوع على طول صديقتي كلمتني اليوم تقول اختها دخل فيها مس بسم الله الرحمن الرحيم و السبب البنت كانت تسمع أغاني و كان يرقص على هيئة اخوها و جالسه تقوله عاشوا هز هز و لما دخلت عليها اختها ما شافت أحد تقول قلت لها من تكلمين قالت فلان تقصد أخوها قالت أختها ما في أحد و تركتها في الغرفه تقول احسبها تستهبل

و بعد فترة خرجت البنت من الغرفه تبكى و منهاره و تقول بتموت تقول لما سكيت الاغنيه حسيت بشئ غريب مدري كيف

المهم ما اهتموا اهلها جلسوا يقولون من الاغاني و لا عاد تسمعين و كذا البنت بعدها داخت عليهم و قالت انا تعبانه امسكوني و طاحت ما تدري عن نفسها و فجاءه رجعت تكلمهم تقول أعطيناها مويه و حليب و جلسوا يأكلون فيها و تأكل بعدها جاءت أختها الصغيره و تدفها و تلعب عليها لعب دفاشه قالت يافلانه روحي عني لا أدخل فيك و اختي تقول خوفتيني و جلست عادي تكمل هبال و تتريق و حذرتها للمره الثانيه قالت روحي لا ادخل فيك و بعدين جاء أخوها صغير و ضربها في رجلها و قالت له نفس الكلام روح عنى يا فلان لا أدخل فيك

و قامت امها قالت قولي بسم الله وش ذا الكلام قالت انتم تحسبوني فلانه انا ترى ( الجنى ) و قاموا يكلمونه و يرد عليهم قال أنا دخلت فيها وقال أبطلع بس شيلوا عني و رجلها طول الوقت تهز المهم يقولون جلس يذكر اسم ولد عمهم يقول تعرفونه خلوه يجي يقراء عليها و بطلع و خلي عيالك يبعدون لا يمرون بنطلع أنا و عيالي و قالت امها اطلع و مرت اختهم و قال شفتي مو اقول اطلعوا و شكله يلعب عليهم و بعدين قال عندكم مناسبه يوم الخميس راح اطلع يوم الخميس ما عليكم بطلع منها يوم الخميس

و قالت امها لا اطلع الحين و اترك بنتنا و يقول انا مسلم قالت طيب قول اشهد انا لا اله إلا الله قال ايش عيدوها و قالها و بعدها يقولون البنت جلست تتمغط و قامت تقول أنا الحين ارتحت و البنت فاقت مستغربه وش جابها في هذي الغرفه و قالت لأمها شفت رجال يقول انا أحبك و جابوا لي كرسي طويل و عنده حرمه حامل و عيال كثير يسحبوني و يقولون احنا نحبك و نبغاك لا تروحين اهلك يبغونك عشان كذا احنا بنرجعك
و امك مطوعه و اختك و اخوك مطوع و حلو وجلس مصر على واحد من عيال عمها يقول خلوه يقرا عليها ليش !! هو حافظ القرآن و اعتقد قبل جاته حاله مثل المس بس تشفى منها