محتاجتكم ياأهل الرأي السديد ..

والله اني احس بشي يخنقني ومدري من وين أبدى .. بس بدخل بالموضوع وتكفون ابي رأيكم وشوركم

انا ضايعه وماني عارفه أفكر ..

الأسبوع الماضي جاء رجل واخوه الكبير وخطبوني من والدي رسمي ..

ابوي رد عليهم بأن يعطونا فرصه نسأل ونفكر في الموضوع ..

طبعا الشاب عمره 29 وانا عمري 31 .. قبلها في ناس من زملاء ولد خالتي ناويين يتعرفون علينا

ويبوني حق ولدهم

وقبل يوم جونا وجات معه امه وثنتين من خواته يتعرفون بس .. والرجل هذا مطلق زوجته وعنده اربع من

الأبناء .. اكبرهم في المتوسطه .. ولحد الآن ماردوا علينا هل بيجون ولا لا …

انا بصراحه تخنقني العبره ماني عارفه افكر زين ..

وربي جالسه اقرأ القرآن وادعي ان ربي يكتب لي اللي فيه خير لي ..

ابي اسمع كلامك لي ابي شوركم لي .. وربي اني مرتاحه بينكم واحسكم مثل اخواتي ..

انا وحيده بالبيت مالي احد وامي الله يحفظها تبيني للأول .. واخواني يقولون انتظري لانهم الاثنين

كلهم اهل صلاح ومعروفين بالخير والاخير معروف بحضوره الدروس الفقهيه بالمنطقه الغربيه ..