عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
أخباركم؟؟
فراشات من الغرب وأنا ضايق صدري من الي سمعته ..بإختصار
كانت أختي ( خمس سنوات ) تبكي ..وأنا أحس فيها شئ هاليومين
المهم بعد شوي شفتها مع أمي في الغرفه
وكنت أنا ع النت
شوي وبعدها تبكي وتروح وتجي يمـي حسيت انها تبيني ( هي مره قريبه مني وأحبها كأنها بنتي مش أختي دوم معي لم أطلع كأنها بنتي
المهم آآآه
قلت لها شفيج ..( فكرت دلع تبي شئ )
الا تقول وهي تبكي لي بما معنى كلامها ( فلانه شافت منطقتها الحساسه ) ولمستهم
انصدمت مآتوقعت
أخذتها ع طوول وحضنتها وفمت أهديها وأنا حدي مصدومه وخايفه وأسألها متى
بس مآسألتها التفاصيل مآبيها تتذكر وتنفعل
قلبي تقطع عليها
قلت لها انتي شاطره أول شئ انك خبرتيني وقلتي لماما ..انتي مو غلطانه هي الكسلانه ويبي لها طق بس انتي لا شاطره لانك قلتي لنا ومره الثانيه لا تخلين أحد يشوفك وع طول تعالي لنا قولي لنا طقيه أو عظيها المهم تتباعدين
..
عدل الي قلته لها مابيها تحس بالذنب ؟أبيه تحس بالأمان إذا صار لها شئ تجي تخبرنا ماراح نعاقبها ع شئ ماعملته مش بإرادتها
بنات والله إني مغبونه مدري شنو أسوي ..,كيف أحميها كيف أريحها وأنسيها !؟؟؟
إنتبهوا يافراشات لبناتكم لخواتكم ..,علموهم انه دي المنطقه خط أحمر محد يشوفه
لانه قبل فتره كانت تبيني أخبرها قصه قبل النوم ..وأنا مآأحفظ قصص ومن هالمنتدى تعلمت إنه لازم نثقف الجهال فقمت ألفت القصه المهم إني قلت لها انه لاأحد يشوفج لآأحد يلمسك وإذا صار خبرينا حمدت ربي إني قلت لها ولا شان ماقالت لنا
ياربي بالستر والعفو والعافيه والهدايه
خايفه عليها مرره يابنات تتعقد ..,هي أصلا شبه انطوائيه وماتحب تلعب مع الجهال وإذا كانت تلعب وماشافتنا معاها تخاف تضل تدورنا
أرشدوني شنو أسوي !؟؟من خبرتني وأنا أبي أنسيها بس من داخلي ذايبه من الألم
ربي يحفظ عليها وعلى أولادكم من كل شر
ويهديهم
