يارب أحد يساعدني – الله يخليكم ماللي الا الله ثم انتوا –

أنـا أنخبطت قبل فتره ” باركولي ”
بس المشكله وين ؟ فيني طبعاً

الولد الحمدالله ما عليه كلام والكل يشهد باخلاقه

وصعبه أرفض , واستخرت الحمدالله وأطيتعم موافقتي

بس في شي مضايقني

الا وهو , لوني انا سمرا و خواته ماشاء الله تبارك الله

بياض و شعورهم تهبل واجسامهم حلوه – ماشاء الله لا اله الا الله –

مو بس هم حتى أهله بنات عمه وبنات خاله كلهم – ما عليهم كلام –

وانا – اللهم لا اعتراض – سمرا وكلي حبوب و جسمي كل مكان به لون

وشعري مو ناعم مره وفوق كل هذا خفييييف و قصير مره

وحالتي صعبه من جد

و مالي الا الله ثم انتوا , لاني وحيده اخواني انا أكبر بنت واللي اصغر مني كلهم اولاد

وماعندي علاقات كويسه مع البنات , تخليني أشرح موفقي و مابيهم يدرون عن هالافكار

علشان هيك قلت مالي الا الله ثم انتوا

الزبده :
أبي مواضيع وتجارب مضمووونه يعني البنت ما ترد الا وهي مجربتها

ويفضل اشياء نلاقيها بالصيديله و اشياء العطار ومادري ايش ما اعرف لها مره
بس اذا مضمونه 100% مش مشكله

1- ابي شي يصفي وجهي من الحبوب
2- يفتح الوجه والجسم والاماكن الحساسه
3- شي يكثر ويطول شعري

حابه اضيف شي كمان
انا عمري 18 سنه و زواجي راح يكون بعد بعيد الفطر يعني يعني تقريبا 3 شهور

وانا اخر سنه ثانوي ولازم أجيب معدل . . بس ما ظنيت يجي المعدل بهالوساويس والهموم اللي فيني ➡

أبغى اعدل نفسي قبل ذاك الوقت

فياليت اللي تقدر تساعدني لا تبخل علي
للمعلوميه : انا راح اسافر مكه للعمره بعد الاختبارات

وربي راح ادعيلها من كل قلبي – دعوه خالصه
ماحبيت أذكر هالشي لانها افضل تكون بالغيب

واللي ماعندها رد – ترفع موضوعي بدعوه حلوه منها

اعتبروني اختكم . . ساعدوني بلييز