عالم البنات النسائي كل ما يخص المرأة العربية من ازياء وجمال والحياة الزوجية والمطبخ
:مرحبا كرووشات ومبقوشات
لكم وحشه كلكم كرشه كرشه….
ابشركم اني ولدت من اسبوعين ولله الحمد بعد ماشفت افلام الرعب اللي ماتخيلتها بحياتي
واحب اذكر لكم قصة ولادتي ويالطيف ع اللي شفته
طبعا انا بكريه وكملت التاسع كله واخذت 4 ايام من العاشر وماما تقول لي اكيد حسابك غلط
عموما انا قبل الولاده لاحسيت بطلق ولابمويه ولابسدادة الرحم …بس اول شي حسيت فيه انه بطني يتحجر ويصير قاسي زي الكوره وخفت ورت مستوصف خاص جنبي ويالطيف …يابنات ع الكشف النسااائي
طلعت روحي احسها بقلبي الله ياخذها مره عورتني وقاعده تبرم بيدها بعد بغيت انجلط وتقول لي انا بساعدك عشان تولدي النهارده !!:D
وصدقتها يوم قالت روحي المشفى مفتوح 3 سم واروح اقول لزوجي وطيران ع المشفى واقعد ابكي يوم لبسوني الاسوره وملابس الولاده وجلست بالملاحظه ساعتين وانا بس ابكي لوحدي حسيت الدنيا انتهت ….وجت الممرضه تفحص قالت 2 سم مافيه ولاده روحي بيت وهي قالت كذا بس الا انا هربانه بعبايتي احس بالفرحه كاني طالعه من سجن والله وزوجي ميت ضحك علي وامي لقيتها تبكي ومنهاره مدري من علمها …وانا ميت قلبي من الفرحه يوم طلعت بس اضحك 😆 hy:
ونامت عندي امي وقامت تعطيني تمر مطبوخ اشربه وعسل ودهنتني بزيت زيتون دافي وعلمتني عن احساس الطلق وحركات الولاده وانا مفهيه ماستوعبت شي وراحت الله يستر عليها …
وجلست مروقه ورحت ازور صاحباتي ولاطلق ولاشي …ونمت الين المغرب وروقان …ويوم اصبحنا اليوم الثاني الا احس بمغص شديد ببطني والم بظهري ويجيني كل 10 دقايق واتحمل الالم من الخوف وتخيلوا جلست من الساعه 4ونص الفجر الين 12 ونص الظهر وانا اتوجع وساكته ماصحيت زوجي ولاقلت لاحد ولانمت وكل ذا رعب من الولاده وكمان قريبتي نبهتني اتحمل وماروح بدري عشان مو كل شوي يكشفون ويبهدلوني….
ولما جت الساعه 2 الظهر حسيت الالم يزيد ويقرب وعلمت زوجي وراح قال لامه ان عندي طلق!! وجلست يابنات اشرب قشر القهوه واقرى قران وادعي ربي واكل رطب وقرر زوجي يوديني وانا قلت لا باخذ شاور وبعدين بمشي شوي قبل نروح المهم رحت اخذت شاور دافي وشوي الاحظ الالم تخف وتتباعد صارت كل نص ساعه قلت بس خلنس ارجع بيتي انام>>>>>تموووت في النوم هههههه
وانام من المغرب الين الساعه 11 بالليل وكانت اخر نومه 😆 🙂
واقوم احس بالالم شديد بظهري خصوصا مثل الضرب وبطني فيه ضغط وشي يدف تحت واتحمل ساعتين بس بالبيت واروح للمستشفى الساعه 3 الفجر..ولاعلمت احد بس زوجي معي برى وجلست بالملاحظه ساعتين الي 5 الفجر وقالوا الرحم 3 سم مفتوح ورحت صليت الفجر واكلت لي ساندويش وودعت زوجي وراح الدوام وطلعوني كشك الولاده الساعه 6 ونص واخر شخص اتصلت عليه زوجي وبلغته بس يدعيلي ولايقول لاحد ابي افتك من الكرشه…وادخل لغرفه الولاده وانفجعت …. 😆
شفت السرير المرعب والاجهزه يممممه واخذوا معلوماتي كامله وركبوا لي جهاز قياس الطلق ومغذي واكسجين وامتحنوني بابرة الظهر اقول مابيه يقول غصب وارفض وانا تعبانه بجد من الطلق ,,,وهم مصرين وش ذا بالغصب هي ؟؟؟وارفض واجلس اتالم من الطلق لانه احتمى وصار كل 5 دقايق الى دقيقتين وجت القابله ودخلت لي طويل وفتحت لي موية الطفل من قبل ولادتي باربع ساعات !! ولسه الرحم 5 سم الله يقطعهم وانا مو فاهمه شي واجلس اتالم واصارخ بكل صوتي تجنن وكل اللي نويت اسويه نسيته من الالم وبس اهز في السرير اتعذبت وجوني طلاب تدريب اطباء يترجوني اخذ ابرة الظهر قلت بررررى كلكم مابي وهالكلام الساعه 10 وانا اتعذب واصارخ ابي انط من السرير واهرب وابكي لما اشتد الالم يالطيف 😉 💡
الساعه 11 اتوجعت خلاص وجتني طبيبه بالصدفه ماره تقول وش ذا الصراخ كله ياحبيبتي وسبحان الله رحمتني وتدخلت بولادتي والا كنت بالقابله فقط كذا نظام المستشفى ..والله لايوريكم زاد الالم وفتح الرحم واتجننت مافيني طاقه خلاص انهرت وتخيلو 3 قابلات ودكتوره ولاعرفت اولد بس ازحر من صدري قطعت عروقي واتالمت لدرجه اقول اشفطوا البيبي اذبحوه بس ارحموني ساعدوني انا وهو يرفضون والطفل ناشفه مويته مايقدر يدفع بسرعه وانا مافيني حيل وجلست خانقه الراس نص ساعه تخيلو؟؟؟ 😐
لدرجة الدكتوره تقول البيبي بيموت نقص الاكسجين ارحميه ادفعي وانا ابكي واقول مابيه ابي ارتاح انا ارحموني بس …والدكتوره توسع واصارخ اقولها طلعيه بيدك مافيني وبس دفعت اخر دفعه بعد ماتعلمت انه من تحت ازحر وادفع للاسف..اثاريني بس قطعت عمري من الالم والصياحوتعبت نفسي وانا ماعرف الدفع من وين..وبس شفته طاح ع السرير مكتوم ولونه ازرق انفجعت وهم يصارخون يقولون ولد ويحطونه بوجهي وانا خايفه ارتجف وبعد ماقطعوا الحبل السري ولفوه طلعت المشيمه سحب ماقدرت ادفع لاني شفت الموت وبس اشفط بالاكسجين المخدر وتخيلوا …تركوني مفتوحه ساعتين بدون خياطه ويوم جت تخيطني بديت احس لانه خف البنج والله لايوريكم الصياح …واشوف النزيف وش كثر الدم حتى ع الارضيه ودايخه وبس اتصلت ع امي انهبلت وجتني ركض ودخلت الكشك تصارخ عليهم شافتني غارقه بوسط الدم ولااحد عندي والبيبي ماله صوت وضغطي مخفض وصل 50 على 30 تخيلوا خلاص صرت اوصي امي ع البيبي واحس اني مفارقه الدنيا …ولو ماجاتني بنت سعوديه متدربه الله يجزاها خير وسقتني علبه عصير لين ارتفع ضغطي كان الله يعلم وش صار فيني ….ويالله شالوني ع الكرسي وطلعت التنويم بعد ماشفت الموت لدرجة اني هلوست من المخدر خلوني اشفط بوقت الطلق 6 ساعات وبوقت الولاده وبوقت الخياطه لين طار مخي …
حسبي الله عليهم …كان هذاك اليوم اصعب يوم بحياتي ولااحب اتذكره
لدرجة ان امي تقول سمي ولدك متعب من كثر ماتعبك,,,
والحمدلله ان ربي كتب لي انا وهالطفل عمر واحيانا بعد ماتعذبنا ..
وهذه قصتي للعبره من هالمستشفى اللي كنت ماخذه فيهم مقلب ..
اسوا شي بالولاده والاخطاء كانت انهم فتحوا مويه الطفل بدري
الله ياخذهم ماعطوني حقنه تنظف الامعاء ولاتنظف المثانه وكان البول اعزكم الله سبب تعسر الولاده
الخياطه بعد ساعتين من النزيف والدوخه
يولدونك وماتشوفين الا غبار رجولهم ومحد يتاكد من سلامتك قبل تتطلعي التنويم
واشين شي النظام تولدك القابله فقط وانا رحمة من الله جتني دكتوره بسبب صياحي
كمان اصرارهم ع ابرة الظهر
طلعت اليوم الثاني وبدون حتى موعد بعد اسبوع لي وللطفل
ولابعد يرفضون المرافق معك اذا تنومتي
لابارك الله فيهم
وتووووبه ماعاد احمل والا ان حملت ماعاد اولد طبيعي
وسامحوني هذرت عليكم واجد
ونصيحه لكل بكريه وكت اتمنى اني سويتها ….اول ولاده تحتاجي جهد وتعب لاتروحي المشفى مواصله او جوعانه واولدي في خاص اصرف ..والله
واخيرا ابي دعواتكم لي وللنونوِ
اختكم حلى غامد 😛
