عالم البنات النسائي كل ما يخص المرأة العربية من ازياء وجمال والحياة الزوجية والمطبخ
راح اقولكم سالفه اعيشها انتظر منكم التعليق على الردود اللي انتم لو كنتم مكاني وش بتسوون ؟؟
من عرفت الدنيا وانا اعرف اعمامي مثل ابوي مانفرقهم عن بعض في كل شىء احترام هيبه في كل شىء
حتى لما نناديهم مانقول عمي لا ممنوع عندنا هذا ابوك
كبرنا على هالشىء .. ولازالت في داخلنا برائة طفوله لان ابوي وامي الله يهديهم كل شىء عندهم عيب
عيب … صرنا مانعرف نتكلم نخاف نقول هالكلمه تطلع غلط او تجرح احد
السنين مرت علينا وحنا صغار كان بيت عمي مجاور لبيتنا زوجت عمي تخيلو تضربنا ليه ؟؟
لان اطفالها يتهاوشون بينهم فما تلقى طريقه حتى تفرغ شحنات اطفالها الا فينا وانا بذات كنت انضرب بكثره
بعد ها بكم سنه واحد من اعمامي تزوج .. دبت الغيره بزوجت عمي الاول فصارت كل ما تقابلنا تسب
تشتم فيها قالت حسوود وعينها قويه … بعدها قالت فلانه فيها <<ما ابي اطول في تفاصيل ثانيه لكن كلها سب
وشتايم في زوجت عمي الثاني … طبعآ سكتنا مالنا دخل تعرفون الحريم .. مرت سنوات على هالحال
طبعآ الحرمتين كان بينهم حرب على قولتهم داحس والغبرا <<يكرهون بعض بقوووووووووووووه
لدرجة ان القديمه تقول لامي بعد ماذاقت الويل من الجديده ليت الماضي بقلم رصاص وامحيه <<متحسفه
المهم زوجت عمي الاول صارت تجينا وتقول كلام ماينقال يابنات سب وشتيمه لا بزوجها ولا باهلها ولا بزوجت عمي الجديده …
اقولكم موقف <<جدي توفى الله يرحمه وجميع موتى المسلمين
الورث بعد 10 سنوات اتقسم من وافاة جدي … كنا جالسين عندها بالحوش وهي تدعي على ابوي واعمامي وعماتي جعل بطونهم الشقاق وجعلهم ….الى اخره من الدعاوي
تخيلوووووووووووو ليه ؟؟ لانهم ما اعطوها من الورث ؟؟ وحاقده على ابوي لان ابوي اعطى ولد عمتي فلوس 15الف وهو عمره في الابتدائي
استمرت في تحريضها لدرجة ان عمي مايسلم علي الا من طرف خشمه <<ليه ؟؟ لو تسئلوني مدري انا !!
حتى بنتها تقولي تصدقين امي تورطت خايفه انتم ومرت عمي الثااااني ) تصافون بدونها فصارت كل يوم الصبح تدق عليها واول مايستفتحون بسب فيكم بس والله من الغيره آآآآآآآه ياليتني بنت لامك <<هذا كلام بنتها قبل ماتتسمم بافكار امها
فتره يابنات وانقلب البيت علينا ليه وش سوينا ولا شىء
بس قالت امي كلمه وحده لما قالوا لا عاد نتجمع الا بوجودها <<مثل الزعيمه
والجديده منتفخه علينا !!
قالت امي تصدقون في مجمع حريم (ترى من حكالك حكى فيك) هالمثل عرفناه والحين نشوفه
تجينا حرمه وتسب في رفيقتها سب ولا قابلتها حتى قامت تمدحها طيرتها في السماء حتى الحياء من تسحتي منا وحنا حاضرين كلامها وسبها فينا !!
هي هنا وش سوت عيال اعمامي مايجونا ولا بناتهم ولا حتى نسوانهم !! ليه تقول ان امي غيرانه تبي تفرق
بينا وحنا خوااااات 
مواقفها كثييييييييييره
تخيلووو نروح للمستشفيات والاسواق ناخذهم معنا قسم وربي ورحت معهم مره قامت تسب وتشتم والمشكله
اخوي اللي مودينا وهو اللي قال ماراح اوديهم بدونك !!
موقف ثاني
مره دخلت علينا بساطور تقول بضرب فلان لانه ضارب ورعاني <<يقالها تمزح لان ابوي شافها وهي تطق اخوي
علمآ ان اخوي بذاك الوقت عمره 5 سنوات او حولها وبناتها اكبر منه
وجحدت الموقف ماصار قالت لها امي ليه اجل فلا يكذب (تقصد ابوي ) وخافت وقعدت على الارض تنظف ثوبها
موقف ثالث
تخيلو تقوووووول انا اذا قلت كلمه واحد واجهني بها بجحدهااااا اجل انا غبيه اعترف باللي قلته !!
الحين اقولكم ان العائله متفرقه بسبب حكيها
علمآ ان حنا مابررنا اي غلط صار او اي شىء التزمنا السكووووووووت
مهوب خوووووووف لكن ما نبي مشاكل
اما انا عن نفسي لو يحصل ونتقاابل والا بقول ماعلي من احد
يعني وش بيصير اكثر من اللي صار …
نسيت اقولكم الحين لما تشوف امي في نفس المجلس عند الجيران تبداء تحكي طوووووووول الوقت
ماتعطي احد مجااااااااااااال
وتجي وراء بيتنا وتجمع الجيران والبزران حتى نسمع الاصوات <<يعني انقهري شوفينا مجتمعين بدونك !!!
