عالم البنات النسائي كل ما يخص المرأة العربية من ازياء وجمال والحياة الزوجية والمطبخ
سؤال ابغى له اجابه مقنعه،،لاني احترت مالقيت له اجابه وسببها،
ليش البنت من يوم تخطب وهي تسحب على الي حولينها 😆 سواء صديقات او اقارب
وتغير رقم الجوال ولاعاد ترد ولا تتنازل تدق
عن جد والله الي تعرف ليش تقول لي والله فيه ناس سووها مدري عشره عمر وكذا بدون مقدمات
تسحب على الي ماتزوجو
قهر راحت الايام على جالسه مع اشكالهم مايستاهلونها،
الموضووووع منقول يابنات
وراح احط بعض الردود تحت
..
.
.
.
.
.
اي والله صادقه احنا كنا 3 صديقات انا تزوجت بس والله مانسيتهم
بس وحده انخطبت على طول سحبت علينا مع اني متزوجه
واللي ماتزوجت مره انقهرت منها وبعد فتره رجعت تدق وترسل
واكتشفنا انه فسخت الخطبه
والله حاله الحين تذكرتينا
………………………….
اما موضوووع الدسدسه
قبل كم يوم صارت سالفه متصله علي صديقتي وتقولي فلانه انخطبت
وانه الخبر منتشر عندهم بالحي يعني هم قرايب وكذا ,,
المهم اتصلت عليها بباركلها من فرحتي لها
وسوالف انا وياااها ولا جابتلي خبر
وانا اقول بنفسي الحين بتقول شوي بتقول
ولا كأن شي صار
وانا اهذر معها ساعه
وقفلت منها ولا قالت لي ياربييييييييييه ياعقليتها التعبانه
انصدمت منها ماتوقعتها من هالنوعيه
مير الله يوفقها
ولا حد يشوووووووك
……………………………
ايوة فعلا صاير كثير
وحدة أعرفها صديقتي يوم تملكت ماعاد كلمتني
حتى ادق عليها وانا ماادري انها متملكة وارسلها على نياتي
أقولها ليش ماتدرين لين عرفت بعدين انها متملكة من معارفها
وبعدها تركتها . وبعدين رجعت لي تكلمني بس ماصرت مثل أول معها
…………………………………….
سبحان الله حتى انا وكل خواتي صار معنا كده
واللي مستغربته انه هالمشكلة صار فيها تعميم
……………………………………
نلتمس العذر يمكن تنشغل بالمكلمات ، ممكن هو يقول لها ما تكلمين أحد غير ، غالبا تنشغل بمكالماته …………. …………………………………..
والله انك صاااااااااااادقة وحده قريبتي مرررررره انخطبوا اختها من ابوها وبنت عمها بوقت متقارب تقولي ان اختي بالرغم من اننا نسكن بشقتين متقابله وكانت كل يوم تجينا تسولف معنا تقول من بعد ماانخطبت ماعاد صارت تجينا وان دقينا عليها الباب نبغى نروح لها او تجي نتونس مع بعض يتعذرون مرة يقولوا نايمه ومرة يقولوا مشغوله وهي اختهااااااااااااااااا اما بنت عمها تقول كان عندها ايميلها وكانت داااايم تسولف معها بالايميل عشانهم مو بنفس المدينة وبعد ماانخطبت تقول لمن تدخل ايميلها انادي عليها بكلمها كالعادة ماااااااترد بس اول ماانخطبت تقول باركت لها وردت علي وبعدها قالت لها انا مشغوله بطلع وطلعت وبعدها تقول ماترد علي او تحط حالة الاتصال مشغول !!!!!!!!!!!!!!!!!!!!!!!!!!!!!! تقولي كذا وانا مستغربه واقولها انتي من جدك وتحلف لي ان هذا اللي صار وتعجبت منهم صراحة وش هالحالة وش هالنفسية خواااااات وبناااااااااااات عم
…………………………………….
غالبآ خوفآ من الحسد , والبعض بتكتفى بخطيبها أو زوجها عن كل معارفها وصحبتها
والبعض الخطيب أو الزوج هو اللى يفرض عليها تقطع علاقتها بصحبتها تحت مسمى الحب والغيره وهو بالأساس تسلط وحب للسيطرة
…………………………………….
والله اعرف وحده كمان مسسسسسسسحت كل شيء حتى الاصدقاء من المسنجر عملت دلييييت ههههههه
………………………………
هاذا كان راي بعض البنات بس انا اكرة صفات البنات الي انكتبت فوق
بس ممكن التمس لها العذر اذا تخاف من العين
واللي تنخطب اللحين ما تقول لأحد
وحالها يقول داري على شمعتك تقيد
والحين ردودكم يابنات وينهااااااااااااااااا؟؟؟؟؟؟؟؟؟؟
