السلام عليكم أخواتي الفراشات

بدون إطالة أنا عملت حادث قبل 7 سنوات كفاكم الله الشر
و صار لي انحراف و تشوه في أنفي و صار عندي مشاكل في التنفس تصحيني من النوم

للأسف أن الماديات ضعيفة و ماعندي مجال أعملها على حسابي و لا كان عملتها من زمان من وقت الحادث لأني سويت أشعة و قالوا تحتاجي عملية لتصحيح الانحراف و كذلك لتجميل التشوه

أنا الحين لي أكثر من سنة من وقت ماطلبت التحويل من المركز الصحي للشميسي (مجمع الملك سعود الطبي)

و هناك حولوني أول شي لعيادة الأنف و الأذن و الحنجرة
و المواعيد طولت و بعدين لما شافتني دكتورة هناك نسيت اسمها بس لهجتها مايلة عالعراقية و كانوا يقولون شاطرة و قالت انتي تحتاجي تجميل مو بس تصحيح للانحراف عشان التنفس و عشان كذا راح أحولك لعيادة التجميل…
و كان ودي هي تعمل لي إياها لأنه و أنا بالانتظار شفت وحدة مسوية لها العملية قبل بأسبوع و جاية مراجعة ما شفت أنفها كانت لابسة نقاب بس قالت انها مرة كويسة و شاطرة و راضية عن العملية و لكنها سوت عندها بالواسطة و هي اللي اختارت وقت العملية و خلال أسبوع من دخولها عليها سوتها 🙁 ..
أنا لما سمعت كلامها و هي وحدة مجربة فلما دخلت عند الدكتورة حاولت فيها هي تعمل لي إياها و ما تحولني ع التجميل بس للأسف صرفتني لأن ماعندي واسطة و شكله عندها زحمة واسطات – و أنا واقفة عند الباب أنتظر دوري مثلا كم مرة يجونها بنات يجيبون لها هدايا و دعوات لمدري أيش *_*
عموما.. حولتني لعيادة التجميل و الحروق و لعلها خيرة
و هناك بديت مشوار ثاني

و بعد انتظار المواعيد و من دكتور لدكتور في التجميل و الحروق و بعد الفحوصات قالوا خلاص كل شي تمام .. جهزي أوراقك و روحي لمكتب الدخول يحطونك ع اللستة..

و لما سألت الدكتورة اللي شافتني هناك (منى) مرررة حبوبة و فاهمة شكلها .. ياليتها تسوي عمليات
بس لما سألتها من اللي راح يعمل لي العملية لأن شافني أكثر من واحد .. قالت اللي يعمل العملية هم ثلاثة
واللي يسوي لك واحد منهم.. عاد انتي و حظك وقت عمليتك! 🙁
شافتني اكتأبت من كلامها انقلب وجهي ❗
قالت لي كلهم شاطرين لا تخافين و بصراحة يا بنات أنا خايفة أتشوه أكثر و عارفين الأنف مكان حساس و تجارب البنات بالدكاترة المعروفين تخوف فمابالك بناس أول مرة أسمع بأسماءهم

الدكاترة اللي قالت لي أسماءهم هم:
مصلح الشراري هو رئيس قسم التجميل و الحروق هناك .. وشافني آخر مرة و ارتحت له كثير بس ما أدري عن شغله
يحيى أبو عمارة – ما قابلته
و دكتور اسمه فاروق أعتقد بس نسيت العائلة – برضو ما قابلته

المهم .. أنا حاليا أوراقي كاملة بعد طول عناء و انتظار للمواعيد و الفحوصات و التحاليل و خلاص من أكثر من شهر وديت أوراقي لمكتب الدخول و قالوا انتظري نتصل عليك و لما سألته متى تقريبا بتكون قال يا أختي دوري لك واسطة عشان أكون صريح معك لأنه احتمال تطول كثير و تاخذ أكثر من سنة ثانية !! 🙁

و كثير تعبانة من مشكلة التنفس اللي يصحيني بالليل و من التشوه الحاصل بأنفي و أنا على وجه زواج بعد
و للأسف ما أعرف أحد بالرياض أنا والدي و والدتي متوفين و أعيش بشقة إيجار مع أختي الأرملة كبيرة في السن و كلانا غير موظفات و عايشين على التأمينات الاجتماعية

فالآن يا أخواتي بهذه الأيام الفضيلة .. لي عندكم حاجتين لا تردوني:

1-
لو وحدة قد عملت أنفها بالشميسي أو عند أي واحد من هالدكاترة أو تعرف أي معلومة عنهم لا تبخل أرجوكم.

2-
أتمنى لو فيه واحدة تساعدني بواسطة لتقديم موعد العملية على الأقل بعد شهر أو شهرين أنا راضية .. أو في إجازة الحج ..بس صعبة تطول أكثر من كذا لأني تأزمت نفسيا و عقد القران بيكون في شهر محرم و أحتاج لفترة نقاهة بعد عملية الأنف عارفين كيف بيكون الوضع و تورمات و حالة يمكن شهرين ثلاثة..

الله يخليكم أي وحدة تعرف أي واسطة حتى لو بمقابل مادي على قدنا .. أحاول أدبر أي مبلغ بس تكاليف العملية صعبة كثير على وحدة بمثل وضعي

ولها دعوة خالصة في العشر الأواخر من رمضان في هالأيام الفضيلة لتفريج كربتي

آسفة ع الإطالة بس حبيت أقول كل شي بالتفصيل