عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله…
خواتي الفراشات بلييييييييييييييييييييييييييييييز افيدوني دورتي الشهر اللي طاف هبلت فيني لاول مره في حياتي موعدها كان يوم خمسه ومانزلت….وفي يوم 10 نزل دم خفيف جدا ووقف…..ويوم 15 نزلت الدوره الصحيحه وكانت غزيره ولمدة يومين فقط ووقفت.
راجعت الدكتوره يوم 25 قالت عادي جدا …وفحصت عندها وكان كل شيء اوكيه الحمدلله وعشان انا لسه ماحملت للآن عملت فحص للبويضات وكانت ماشاءالله جاهزه للتلقيح وصرفت لي ابرة التفجير واخدتها يومتها وقالت مايصير جماع الا بعد 36 ساعه وكتبت لي حبوب دافستون استخدمها لمدة 14 يوم ….
الحين لي 6 ايام من اخدتها والالم في صدري مافارقني لدرجة اني مااقدر اجلس بدون سنتيان واليوم الام شديده اسفل الرحم احس كأن شيء نازل وضاغط على المثانه وعندي حرقه شديده في البول(اكرمكم الله) وكل شوي ورايحه الحمام والم مثل الم الدوره….
سؤالي يابنات وادري اني طولت عليكم وش اللي احس فيه بالضبط دكتورتي مسافره ومدري وين اروح؟؟؟؟
اخاف الحبوب تسوي لي لخبطه في الهرمونات او الابره ماناسبتني ….وش تنصحوني فيه…؟؟
