عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
حبيت استشيركم بشئ لاني اخشى ان اخسر صداقتي
قبل كم سنه تعرفت على بنت من مذهب اخر
وكانت علاقتنا زي الفل روووعه
لكن كانوا دايم ينصحوني لاتتعرفي عل احد من مذهب ثاني وطنشت !
وكانت النهايه بان تفرقناا بعد مارمت علي كلام جدا جاررررررررح
ضليت بعدها سنتين ماتعرفت على احد ايضا لمروري باضطرابات نفسيه
حصلت شلة قروب حوالي 8بنات نفس المذهب وقليل جدا بنفس مذهبي بدفعتي !
بالبدايه كانت علاقتي بهم سطحيه بس سلام لكن الان بعد ماتعمقت
عرفت ان بينا فرق مستوى مادى كبير انا يمكن مالاحضته بالبدايه
لان بسبب نفسيتي كنت غير مهتمه بالمظاهر وماكنت اعرف افرق حتى مابين الاحياء !
قلت عادي مو مهم المستوى المادي الي يحوي البنت
المهم هي واخلاقها
صحيح اني تعودت عالمنازل الكبيره والفخمه وبس ادخل بيت قديم احس بضيقه وكتمه
يمكن عن التعود فقط لكن مره زرت وحده منهم وكان الموضوع اوكي وماتضايقت ولا شئ
صارت بيننا مشاكل خصوصا لما نتفرق ويظهروا على حقيقتهم وكرههم لي
لدرجه ساعات يورطوني يقولوا ان شئ محذوف واتورط يكون معنا والاقيهم مذاكرينه !وكثير مواقف
لكل يبقى تجمعهم كقروب لطيف!
سمعت اهلي يتكلمو عن احياء البنات وكانها افقر الاحياء بالمنطقه ويقولوا يالله مدري كيف يتحملوا سكان هالحي يعيشوا كذاا .. كلها انصدمت لكن
كان بالنبسه لي عادي مايهمني المستوى المادي ..خصوصا واني اصلا
عشت مرحلة طفولتي كلها بمنزل بحي فقير وعشت ضغوط ماديه من ديون وبنيان بيت
لم ننتقل لحي اغنياء الا قبل 8سنوات فقط !
اخواني تغيروا وصاروا يتفاخرو ولازم ماركه وشئ غالي وماعرف ايش
لكن بالنبسه لي انا اجد ان خير الامور اوسطها ولست مبذره ارتدي فقط مايعجبني
بغض النظر عن الماركه او السعر ,,
والله يعلم قد ايش اهلي متبخلين علي حتى بالاشياء الخاصه يكونوا البنات فيها حتى افضل مني
المشكله ومافيها يمكن خفت بعد ماعرفت انهم من احياء فقيره لاني سابقا اخطات
وممكن جرحتهم بغير قصد ودون معرفه مني
المشكله الان لااعلم هل هي حسد ام حقد ام ماذا تسمى ؟!
قبل فتره اتفقنا نطقم كلنا باللبس طقمنا المره الاولى ..
المره الثانيه قالوا يلا كل بنت تروح السوق تدور لنا تيشيرتات بهالوصف
حصلت لهم اشياء حلوه لما جيت وقلت لهم اني حصلتها بمول وهي بهالسعر رغم اني تعمدت ادور على ارخص شعر
قالوا غالي ! رغم ان السعر السوق العادي يبيع اغلى منه واغلى
السعر كان فقط 50 ريال بجد ماضن بحصل لهم شئ ارخص من كذا
قلت اوكي انا ماضن بلاقي سعر ارخص شوفوا انتو اذا وحده حصلت وخلاص
ماحب احرجهم ولا شئ
جيت لابسه بلايزي الجديده قالوا الله حلو لبسك
شوي وسالوا من وين شاريته قلت هذه من البلايز الي قلتلكم بجيبلكم منها
شوي الا وينقلبووو
السعر مايستاهللللللللل ولبسك مو حلو
وكل يوم اجي الكليه بلبس جديد يطلقوا علي هالالفاظ شكلك دفشه
لبسك مو حلو والخ رغم ان اللبس عاجبني وجدا هادي
وحتى الذوووق تقيدت البس مثل ذوقهم ولا البس بسعر غالي عشان ماجرحهم !
صاروا كل يوم يحرجوني بتعليقاتهم قدام البنات رغم اني لست من البنات المتكبرات
وماحب اتكلم واقولهم السعر ولا من وين ماخذه الشئ
صرت اخاف حتى اقولهم من وين شاريه الشئ او وين رحت لان حتى بالروحات والجيات
شوي اهاليهم مشددين عليهم ثقافتهم للنت وكذا نصفهم ماعندهم نت واعلمهم
وثقافتهم زفففففت
انا متقبلتهم وعادي عندي المشكله ليست من طرفي ولا اتكبر ولا غيره !
المشكله انهم صارو يحسدوني ربماا لااعلم لكنهم كرهوني وصارو يوميا يعلقوا على لبسي وشكلي
حتى لو مثلا كنت املك شئ لاتمتلكه بنت ثانيه من ناحية الشكل
يسخروا منه ويعلقوا عليه وينتقدوني بكل شئ اتكلم عنه ويشتمونه
واقسم بالله اني لااتباهى جنبهم ولا شئ وانا هاديه وقليلة الكلام
صرت انزل من شاني واتواضع لهم الا اني بكل حقيقه حرمت نفسي مما املك
مثلا الشعر حتى ارفعه مثلهم اللبس مثلهم اسوي كل شئ مثلهم
علشان مايغاروا ويطلقو علي شتايم وسخريات مالها ام داعي
هل الموضوع انقلب لغيره ولا حسد ولا ايش؟
اخشى ان تنفصل علاقتنا عن بعض!
بسبب فرق مادي !
