رجعت لكم،،،من جديد،،ومعي بشاره

السلام عليكم ورحمه الله وبركاته
كيفكم يااحلى اخواااات،،
معكم انكسار انثى ..اكيد اغلبكم قراء مشكلتي مع زوجي واهله،،،
واللي ماتعرفني تتصفح مواضيعي،،وبتعرف معاناتي
اخييييييرا يابنات،،،اخييييرا
بعد معاناه دامت 6شهور،،،راح ارجع بالايام الجايه لبيتي الجديد،،مع زوجي ,،،وبين اولادي
والله مرت علي ليالي سوداء ،،،هموم،،دموع،،
ومااحد معي غير الله ،،وحده،،
نقص وزني ،،تساقط شعري،،شحوب،،،
الحمد الله ع كل حااااال
بعد مد وجزر من زوجي،،وتوسطاااات كثيره من الشيوخ،،واهل الخييير
وكلها رفضت من جهة ابوي،،ومن جهة زوجي واهله،،
وانا واقفه مع ابوي،،وراي من راييه،،وماعارضته،،،زي ماقلتو لي ونصحتوني،،وسويت نفسي قويه،،واني مصممه ع الطلاق،،
لكن من داخلي ،،انتفض،،،وارجف،،كل ماسمعت بطاريهم جااااييين،،يطلبون رجعتي
وقبل شهرين جتني رساله من زوجي،،يقول،،ماعااااد يقدر ع الصد،،ومايقوى الهجر،،
ودار بينا كلام بالرسايل,,وعتاااب،،انتهى بالفرج،،
والحمد الله
وافق يبني لي ملحق فوق السطح،،،غرفتين وصاله،،،ومطبخ
كيف اوصف لكم شعوري ذيك الليله،،بكيت،،بكيت
من الفرح،،ان الله فرجها علي،،بعد ماتوقعتها راااح تنتهي يا طلاق،،يا زوجه ثانيه،تنزل علي
الكل لاحظ اني فرحااانه،،وبطييير من الوناسه،،بس ماخبرت احد،،ياخبر بفلوس بكره ببلاش
قال اخواني ،،هذي اخرتها ملحق بالسطوح،،قلت والله لو خيمه بالحوش،،راضيه ،،بس ابعد عن عجوز ابليس،،هو جنه بالنسبه لي
بيتي قرب يخلص،،تقريبا شاورني ع البويات،،والديكورات،،كلها ع الواتس اب بيني وبينه،،هههه
واهلي مايدرون اني اكلمه
وقالي اطلعي معي نروح نختار الاثاث ،،قلت خلها بعد الرجعه،،،
الحمد الله ،،الحمد الله،،،احمد ربي كل وقت،،
ان الله رد لي زوجي ردا جميلا،،،مع ان اهله تكفلو بمصاريف زواجه الثاني،،بس هو ماوافق،،
الحمد الله ،،الحمد الله
ان هالمصيبه عدت ع خيير،،اولادي رجعو لي،،،

اخت زوجي،،وامها،،
يقولون بنات جماعتنا،،صايبتها حاله نفسيه،،،تمشي ،،وتخطب ببنات النااااس تبي تزوج زوجي،،،وللاسف ،،ربي رد كيدهن بنحرهن
التجربه هذي ،،بينّت لي من الصديق من العدو،،،
بنات ،،،انا برجع لزوجي،،،كيف اغير حياتي،،
اخاف زوجي يفتح سيره المشكله اللي بينا،،واطوّل لساني عليه،،لاني اعرف نفسي ،،اذا عصبت اصيير مجنونه،،وما اضبط لساني
كيف اتعامل مع ام زوجي، ،،بعد اللي شفته منها،،
كيف اتعامل مع اخت زوجي،،،هي حسوده ،،وعينها قويه،،،
ووقحه،،وماتبي لي الخييير..وتفرح ع مصايبي
وكل اللي يعرفها مايذكرها بالخييير
انا محسوده بزوجي،،وبحالي،،وبأولادي،،،وهذا سبب المشاكل اللي بيني وبين زوجي،،،
وهذا مو كلامي،،كلام اللي يعرفوني من صاحباتي،،واخواتي،،
كيف اتقي شر الحسااااد،،
ع قولتهم ،،حسدو الفقير ع موتت الجمعه
اعذروني بنات ع الاسلوب،،والله اكتب لكم من زود الفرحه،،،
ودي بكره انزل السوق،،واشتري ملابس جديده،،وعطورات,,خواتي الله يهديهن كل اغراضي،،استولو عليها
ياسلام احساس عروووس،،ههههههه
دعواتكم بناااات،،دعواتكن ان الله يجمعني ع خير مع زوجي،،،واولادي،،،