أنا.. وهي… ابي آرآئكم!!

خواتي بغيت منكم الراي والمشوورة

هذا سلمكم الله.. لي صديقة أغليها حيل.. بس هي دايم تصدمني بتصرفاتها الغريبة و سوء معاملتها بدون مبرر

مالكم بالطويلة.. المهم

علاقتي فيها ع المسن متينة.. يعني نقضي يومنا بأكمله ع المسن نسولف ..

قبل اسبوع او اقل.. خبرتني ان خالتها بتعمل عزيمة بأخر الاسبوع.. لاحظووا زين هي بس خبرتني لكن ماعزمتني..

المهم.. كانت العزيمة يوم الخميس…

يوم الاربعاء بالليل.. جاني اتصال منها.. وجلسنا نسولف ع التليفون.. و قامت هي تعزمني على عزيمة خالتها اللي بتكون باكر الخميس..

هي فاجأتني انها عزمتني.. لأن مثل ماقلت لكم هي عطتني خبر عن العزيمة من قبل بس ماعزمتني..

المهم.. انا اظهرت لها موافقتي على تلبية الدعوة.. بس بعد مشورة أهلي..

انتهى اتصالنا على الهاتف.. ودخلنا المسن نكمل سوالف..

واستمرينا لين الصبح..

بعد ماأذن الفجر.. تفاجأت فيها تكتب لي ع المسن: ايه صحيح.. خلاص غيرت رآيي مابيك تجين العزيمة!!

أنا تعجبت منها..

بس أخذت المسألة مزح وضحوك..

قامت تقول.. ترى لاتاخذين على خاطرك.. بس انا بكون مشغولة بالعزيمة و مب فاضية. وممكن مااجلس معك!!

انا انصدمت من جرأتها ووقاحتها..

بس مابينت لها شئ.. كملنا جلستنا ضحك واستهبال.. وبعدها قالت بتقوم تصلي.. وانا قلت لها خلاص نعست بنام.. لأني حيل تضايقت من اسلوبها.. وماحبيت اكمل جلستي معاها.. وفعلاً قمت وتركتها..

انا ماتضايقت على العزيمة.. بدليل انها خبرتني عنها من اسبوع ولا عزمتني وعادي جداً.. ولاهمني شئ..

بس تضايقت من وقاحتها.. يعني يوم انك مب حابة تعزميني.. ليش تعزميني من الاساس؟؟؟

ويوم انك تورطتي وعزمتي.. كيف تسحبين العزيمة كذا بكل سهولة.. ولا كأني بشر.. و انسان.. بدون مراعاة لمشاعري..

يعني معقولة ماحست ان الحركة جارحة؟؟؟

والله اني انحرجت حيل… حسستني اني شحذت منها العزيمة شحاذة… ذلتني على شئ مايسوى ابد!!!

ترى يبنات.. يوم انها عزمتني.. وافقت اني احضر بعد مشاورة اهلي.. مهو بحب للخرجات والطلعات.. لا والله والف لاااااا

انا وافقت بسررعة بس عشان لااكسر بخاطرها.. وارد عزيمتها لي..

لكن هي ماهمها خاطري.. ولا مشاعري ابد..

حاولت بعد كذا تتصل فيني لكن كانت نفسيتي دمااااار من سواتها.. مارديت عليها..

والحين هي غايبة من اليوم.. ماظهرت بالمسن.. وادري لو باتصل عليها ماراح ترد..

انا حيل تعبانة ومحتارة..

انتم وش رايكم؟؟ هل كان معي حق ازعل؟؟ هل السالفة تستاهل الزعل؟؟

ولا ان الامر عادي جدا ان وحدة تعزمك.. وترجع تكنسل عزيمتك كدا بدون اسباب واضحة ومقنعة؟؟!!

تكفوووون.. كل وحدة تشارك.. ياليت توضح رايها.. ووش بتكون ردة فعلها لو انها بمكاني؟؟

ووش تنصحون؟؟ احاول اتصل فيها واصالحها؟؟ ولا اتجاهلها؟؟؟