عالم البنات النسائي كل ما يخص المرأة العربية من ازياء وجمال والحياة الزوجية والمطبخ
..
قبل فترة خذيت اجازة لمدة اسبوع تقريباً
وطيران من ارض نجد الحبيبه الى المنطقه الغربيه
وبفضل الله اعتمرنا وانبسطنا
وحبينا نمر جده نريح فيها كمن يوم
وفي فترة الإقامة أتفقت مع قريباتي نروح لـ ملاهي الشلال
وخصصت لها طلعة يوم الثلاثاء >> يوم النساء
على أساس نآخذ راحتنا في اللعب انا والصبايا بعيداً عن الإختلاط
>> كثير منهم نصحوني بعدم الذهاب لها..عشان البلاوي فيها.. 😆 🙂
رديت عليهم: ياااه لا تعقدوهااا 💡
خلوونا نروح نغيير جوو ونتسلى
وأحقق الوعد إللي عطيته أخواتي الصغيرات بمناسبة تفوقهم
😆 🙄
/
منذ لحظة الدخول بدأ المسلسل الدرامي
😎
مع بنت أختي الصغيره إللي تصيييح : خااااله تغطييي فيه اولاآآآآد !!
وثواني يمرون من جنبي فرقه رياضيه لشلة من المراهقين
قلت: اشوى مافكيت عبايتي..
ومشيت شووي في الممر لين وصلت داخل المجمع
وأطالع حولي اتأكد أني داخل المجمع… والكل فاك عبايته
وإلا ورجعت بنت أختي تصيييح من جديد:خااااله شوووفي الأولاد هناااك لاتفكي عبايتك
ألتفت بسرعه إلا والفرقة الرياضيه ..تتستعرض مهاراتها في اللعب…
وألتفت يمين وشمال إلا واشوف فرق أخرى رياضيه بكل جهة!!
..<<<< طلعووو مشجعات وأغلبهم بلوووك بويااااات 💡
طلعنا لساحه الخارجيه للمجمع .
شووي بنت أختي تصيييح و تمسك بطرف لبسي وتشده : خاااله شوووفي البنت موب لابسه بنطلون!!
ألتفت بسرعه على بنت اختي ابعطيها كف ..عشان تقصر حسها
—>و اطالع للجهة اللي تأشر عليها وأشوف شلة بنات بعمر الــ 18 تقريبا
لابسات بناطيل بخصر نازل جدااااا
لدرجة خيوط اللبس الداخلي براا
وحدة منهن طالعتني وأبتسمت ..فبادلتها بنظره إحتقار 😳
فقامت وبكل وقاحة 😆
تسحب الخيوط من الجانبين بتعمد وبطريقة مخزيه
هنا خذيت لفة 180 درجه حول نفسي
😆 🙄
مممم
جلست عند الكوفي وأطلب كوب كابتشينو وابتسم لرقم الطلب الــ 40
ولمحت بنات يرقصون عند كشكات الاغاني وحول اللألعاب
وفي نفسي اردد : ولييييه علينا وش جابني لهنااا
😎
أنتبهت لي وحده كانت جالسه معاي على نفس الطاوله
وكنها حست فيني ..قالت :انتي باين عليك موب من هالمنطقه صح؟
قلت ايه زياره
😥
تبسمت وقالت :مالقيتي تجي الا هنا!!
😛
وجلست البنت تسولف لي عن نفسها
انها جايه مع صديقاتها..تغيير جووو
وقامت تحكي لي عن عالم البنات ومغامراتهم
وشوي قامت واستأذنت مني وليتني ماسمعت آخر كلامها
يوم قالت: يلا بعد اذنك ابروح اخذ لي معسل تفاح
😳
رديت عليها بضحكه ساخره: أجل انتي ماتفرقين عن البنات هنا!!
ردت علي:حرااام عليييكِ …يكون بعلمك أنا بشرب المعسل هنا و بدون علم أهلي!!
😡
قررت أبعد عن امكنة الشيشه والجراك وو
وطلعت الدور الثاني وارسلت قريباتي يطلبون لنا وجبات سريعه
وكان رقمنا الــ 92 —>> يالييييل الطحين
وعلى بال مايوصل الطلب خذيت البنوتات لقسم ألعاب الأطفال الكهربائيه
وعلى بال مايلعبون قل خل آخذ لفة سريعه على صالة البلياردو
وهناك أتفآجأ بـ رؤيه عالم ثاني..طقوس جريئه من الاحضان و.. 😳
😆
هنا فقط وكأن ماء مثلجاً أنسكب فوق رأسي
فرغم حرارة الجو والرطوبه…إلا أنني كنت أرتجف كلياً من رأسي ألى أخمص القدمين
😉
وبدون أي إستشارة لقريباتي اتصلت مباشره على اخوي : 😥
تعاااال خوذناااا ابسسسرعه .. ❗
اسمعه يقول: توكم واصلين ما لكم أقل من ساعتين!!
قلت :لا تكثر تعااال اللحين وبسسسرعه
—>>>طفح الكيييل
😆 🙂
وبنت عمي تصيح ياهووو باقي طلبية العشاء والكوووفي ووو
وشفيييك باقي نبي نلعب ونتسلى تو حن واصليين!!
😆 idea:
رديت عليها: تبين تتسلين هنا ..أصلاً شلون تقدرين تبلعين لقمه وانتي تشوفين هالمناظر !! —<<ويديني تأشر على زاوية 😥
بعدها سمعت بنت عمي تردد: الله لايغضب علينا …يلا يلا مشينا
➡
:
نقاشي هنا ليس محصورا ومخصوص عن نوعية الملاهي
بغض النظر كانت الشلال او البعيجان في المدينة او ستار ستي في الرياض..أو….أو…
بل هنا أستفهامات متنوعه ومتشعبه عن الحال الذي وصل إليه بناتنا!!
*
*
فمارأيكم بــ المجمعات النسائيه اللتي يجتمعن فيه البنات
لممارسة عروض الازياء الداخليه والخارجيه!!
ما سبب فسخ الحياء عن اغلب البنات!!
هل يعود السبب لتربيه..الــ TV ..الاهمال من الاهل..الصديقات؟
البنت البووويه شلووون اهلها راضيين بشكلها المريب بينهم؟
وهل سبق وشفتم مصايب مثل إللي شفتها!!!؟
ونجي لسؤال الاهم على من يقع اللوم الان ع البنات ام ع الاهل..أم من ؟؟
.
