أي نوع من الاطفال كنت ؟؟؟!!!

الطفل البريء :
في المنزل تجده حبوووب وطبيعي 100 %
لكن مع دخوله المدرسة .. ** تنمحي ** شخصيته ..
فتكثر الإصابات في وجهه .. لأنه ما يدافع عن نفسه ..

الطفل العنيد :
يطبق نظام البيت بالعناد .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه

الطفل الحنّـان :
يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون أهله من الصداع المستمر ..

الطفل المادي :
هذا الطفل مايرد السلام إلا ** بفلوس ** ..
تعامله مع أهل المنزل .. مادي بحت ..
يستخدمونه لتوصيل طلبات المنزل .. .. وكل شي بحسابه ..

الطفل الفتّــان :
تجد عند هذا النوع جميع أخبار المنزل ..
يجد المتعة في إذلال غيره بالفتنة عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى أخبارك ثاني يوم في الصفحة الرئيسية .. في الجريدة الرسمية

..الطفل الدلوع :
هذا دلوع ماما وبابا .. يكرهونه باقي الأطفال لأنه مرفه وشايف نفسه عليهم..
تلبى رغباته قبل لا يطلبها .. شخصيته إتكالية جداً ..

الطفل العله :
يزعجك بأسئلته اللي ما تنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسة ..
يحرجك أحياناً .. ويمكن دائماً بأسئلته .. مره تجاوب عليه ومره تسفهه ..
وأكثر الأوقات ما تلقى إجابة لإسئلته .. لأنك في الحقيقة تجهلها ..

الطفل الداج :
هذا الطفل مستحيل يجلس في المنزل ..
يعيش في الشارع أكثر من بيته .. خبرة ودليل في كل ممر وطريق ..
يعرف طول الشارع بالسنتيمتر .. من الممكن أن يصبح إذا كبر مهندس طرق ..

الطفل الملسون :
يستانسون أهله على سوالفه .. فصيح جداً ..
ويلقط العبارات والمفردات بسرعة مذهلة ..
يسبب إحراج دائم لأهله .. من الممكن أن يقول كلمة بالغلط للضيوف أو الأقارب ..
يتميز أحياناً بقلة الذووق والوقاحة إذا أنفعل ..
لا ينصح بأستفزازه أبداً ..

الطفل اللزقة :
تلقاه مسنتر عند باب البيت .. محد يطلع إلا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصة من إخوانه اللي أكبر منه .. أو أخواته ..
لأنه عبارة عن رادار على طلعاتهم ..
أحياناً يضطرون يطلعون من نافذة المنزل للهروب منه ..
ولكن للأسف يجدونه بإنتظارهم في السيارة ..ويسألهم ليش تأخرتوا عليّ ..

الطفل الهادي :
هذا الطفل ماله صوت أبد .. وين ماتحطه تلقاه ..
أحياناً يهملونه أهله .. لأنهم ناسينه ..
وأحياناً يلقى إهتمام زائد من أهله ..
لو يموت من الجوع ما تكلم ..
في كثير من الأحيان تلقى أهله ناسينه بالسوق أو عند الأقارب أثناء الزيارات .

الطفل القوي :
أهله دائماً في إحراج و مشاكل مع الناس ..
هرمون الإجرام مرتفع بنسبة عالية في جسمه ..
في كل جبهة طفل في ** منطقتهم ** تلقى له أثر وتوقيع ..
يمثل القائد والفتوه .. يهابونه الأطفال ..
يتقرب منه الكبار ويتوددون له حفاظاً على سلامة أطفالهم ..

بصراحـــة أي نوع كنتم أنتوا ؟

يالله كــــل واحد يقوول الصدق
خلونا نتعرف على طفولتكم كانت تتميز
بــ أيش ؟؟؟!!!

أنا عن نفسي كنت الطفل