عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم… ان شا الله طيبين ..
انا ملكتي قريب ان شا الله … ومتوقعين نسويها قبل شعبان او رمضان ان شا الله … حسب الترتيبات …
احنا نبغا نسوي ملكه حلوه متوسطه … بس للاسف ما نعرف قاعات كويسه ..
انا من سكان جده … حاليا لكن جديد في جده …
ما اعرف كل شي عن جده
وعندنا ميزانيه للملكه…. طبعا راح تكون ملكة رجال وحريم بنفس اليوم …
قاعدين ندور على قاعات متوسطه او صغيره … يعني تشيل من 200 الى 300 رجال وحريم
يعني 100 الى 150 حريم … و100 الى 150 رجال …
طبعا مع العشا والكوشه والحاجات التانيه يعني …
ما نبغا نتفشل مع اهل عريسي … كتير من القاعات .. تكون قديمه ومتجدده …
واغلب القاعات يتشرطو ان ما يكون البوفيه الا من عندهم .. ويكون بايخ مرره … او ان الديجي او المطربه تكون تبعهم او حتى المصوره … انا ما احب مرره النظام دا … لان عانينا منه في ملكة اختي …وكمان عندنا الفنادق بس مشكلتها غاليه…
ياليت تفيدوني .. بقاعات … حلوه … ما يتشرطو … وبوفيههم حلو او ما عندهم مانع ان يكون البوفيه والكوشه من برا …. طبعا القاعه لازم تكون رجال وحريم … وكافة الخدمات متوفره ….واهم شي كمان تكون قاعة الحريم فيها درج للزفة…
وما تكون غاليه … اهم شي … ههههههههههههههه … لان لسه ورانا مطربه وكوشه والحاجات دي …
وياليت كمان بارقام التلفونات …والاسعار…
ومشكورين
