لان كلامكم يهزني ادخلوا وساعدوني

السلام عليكم ياخواتي
انا من يوم كنت في الابتدائي ماكنت اعرف شو يعني لازم البنت تكون حلوة ولكن يوم دخلت المتوسط
وبدات عيوني تتفتح عرفت قيمه هذا الشي خصوصا اني تعرفت على بنات اهم شي عندهم الجمال مع ان شكلي عادي بس هم مدري كيف ويوم عن يوم تزيد المضايقات ويقعدون يحشون في شكلي ومره وحده قالت لي اني اشبه القرد وانا كنت اكتمها في قلبي ويوم رحت للثانوي وانتو عارفين بنات الثانوي حركات ودلع
وكل وحده تبرز جمالها حاولت اني اتعرف على بنات غيرهم لكني ماقدرت اندمج معهم واصلا هم كانو يسفهوني وانا بعدين فهمتها ورجعت لشلتي القديمه ونفس الشي رجعنا للحش وحده قالت لي شكلك غلط قلت لها خلقه ربك
قالت ادري بس شكلك مره غريب وانا خلاص تعبت منهم يقعدون يحشون فيني وانا اسكت لاني مليت منهم واقول ياربي متى بتخلص الثانويه وافتك منهم لانهم حطمو كل ثقتي بنفسي وصرت اشوف نفسي بشعه وجات اخر سنه ونجهز لحفله التخرج وكان نفسي اروح لكن تذكرت اني حتى لو حطيت مكياج مارح اكون حلوه لان ماعندي ثقه بنفسي ومارحت وبعدها يسالوني ليه ماجيتي وليه ماجيتي وصارو يقولون والله فاتك ويحاولون يقهروني كان نفسي اقول لهم انتو السبب انتو اللي حطمتو ثقتي وخليتوني اشوف نفسي ابشع ماخلق ربي
ولكن سكتت لان الكلام مايفيد وخلصت الثانوي وحاولت اني ارجع ثقتي بنفسي لكن مافي فايدة قد ماحاولت ادخل منتديات اسمع محاظرات لبناء الثقه بالنفس ماقدرت ارجع اسمع كلام صحباتي وصرت اكره نفسي يوم اطالع في المرايه مير الله يسامحهم ويسامحني افيدوني خواتي ترى كلامكم مدري ليه يدخل قلبي والله انكم بتزيحون هم ثقيل ظل على قلبي سنين ….