عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مدري وش أقول اليوم أنصدمت بأخوي الله يهديه ويهدي جميع المسلمين صحيت الصبح ونزلت وأسمعه يتكلم في الحوش ومعه أحد صوته ماأدري وش أقول لكم مثل الترنم أنا قلت يمكن مدخل زميله ويستهبلون وينكتون تعرفون حركات الشباب ومزحهم ولا يكون زميله تعبان ويون المهم قلت بقرب وأسمع وشكله حس فيني وشفت الشغاله جايه من جهة أخوي وبتدخل أنا حسيت بيغمى علي أخوي يبي يصرف الموضوع وناداني وقال لي الشغاله تقول لي اشتر لي جوال وشريحه وأعطيك فلوس (مع إني حاسه انه بيشتريه من عنده )لأن أمي رافضه تعطيها جوال قالت لها إذا بغيتي تكلمين أعطيك جوالي ولاحظت أخوي وهو يكلمني يده تنتفض من الربكه مع انه من النوع الرااااسي والشغاله بالشهر مااخذينها لان مررره محتاجينها وبعد كم يوم بنجدد لها اخاف تقول لامي مابي اجلس وتعلمها السبب أخاف أمي يجيها شي موب ناااقصه هموم:P
وش رايكم وش أسوي شوروا علي تكفوووون لاتخلوني الله لايحرمكم الأجر
أكلم أختي الكبيرة ولا أواجه أخوي ولاأسأل الشغاله وش صار بالضبط
أنا ودي أصير عند أخوي كني مادريت عن شي عشان يتراجع ويحس بالذنب
من شوي جتني أختي الصغيره تقول إن الشغاله تبي قفل لشنطتها يعني واثقه ان الجوال بيجيها وبتخبيه عنا
لاتتأخرون علي بالردود
