عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
قبل شوي دخلت موقع مدرسة اخوي وطلعت نتيجته ولقيته راسب بمادتين (ضعيف)
من جد ضاقت فيني الوسيعه
هذي ثاني سنة يعيد ثالث ثانوي وهو علمي
مدري وش صار له
ماكان كذا
والله كان مجتهد في الدراسة
ومن جاء ثالث ثانوي وهو ماعاد يذاكر ويغيب ومايهتم بشي
حتى الدخان صار يشرب
مع انه كان فيه خوف وخشيه من الله مدري وش قلب حالته
ماعلمته ولا علمت امي إني عرفت نتيجته
هو على باله النتايج بتطلع بعد الاجازة
يااااربي
يمكن بعضكم يشوف مشكلتي عاديه او تافهه
لكن والله حاز بخاطري
وخصوصا لما رسب العام وحطمنا معه
خايفه هالسنة بعد
وش اسوي
أعلمه؟
أعلم أمي؟
أو اسكت واخليه هو يجيبها بعد الاجازة
علموني تكفون
وادعوا له بالهداية
