اف من المصورة..

السلام عليكم يا فراشات ..
انا بدخل بالموضوع على طول وهو اني انا اخذت رقم مصورة مصرية من النت وحجزتها وطلبت تجيب معها خلفيات وقالت طيب ولعبت علي وماجابت يوم جت وتخيلو جايبة معها كاميرا عادية 12 ميجا بكسل يعني بحجم الجوال البلاك بيري وانقهررت منها ودافعة لها 2000 بعد..!! المهم هي صورتني يوم الأربعاء ولما سألتها عند موعد التسليم قالت بعد اسبوع يعني الأربعاء الجاي وجاء الأربعا واتصلت وقالت لسى ماخلصت قلت طيب نمشيها..متى تخلص قالت السبت قلتلها طيب السبت السبت..جاء يوم السبت واتصلت عليها قالت لسى انا خلصت الصور بس باقي الالبوم ماخلص وعطتني موعد الأحد او الاثنين..انا هنا انقهرت وحسيتها تلعب علي واتصلت عليها بالليل 3مرات ولاردت والساعة 6 الصبح ارسات لها رسالة قلتلها يكفي تاخير ومماطلة وارجو انه يتم التسليم اليوم بس قامت اتصلت علي الساعة 8 الصبح وقالت انا مش كدابة وانتي ليه بتكلميني كده وانا ابني كان عامل جراحة يوم الخميس؟..بصراحة اسلوبها قهرني ومع احترامي بس وش دخلني ف ولدها..المهم وطيت على نفسي واعتذرت لها عشان تجيب لي الصور لانها تقول بوصلها للبيت..وفي نفس اليوم اتصلت وقلت لها متى التسليم قالت يابكرا يابعده قصدها يالاثنين يالثلاثاء وهنا انا كان ودي احط حرتي فيها بس مسكت نفسي لان الصور معها..وقهرتني ومدري وش اسوي لها الحين..حسبي الله ونعم الوكيل ..