غمرتك قريبة ومحتارة ايش تلبسي .۔ اتفضلي

كيف الحال ؟؟

أخواتي حابة أعرض عليكم فستان قطعتين لغمرة هندية أو يمنية ❗

أنا فصلته على أساس إني كنت رح أسوي غمرة .۔ بس صادف الفترة اللي قبل زواجي اتخرجت من الجامعة وأهلي خيروني نسوي لك غمرة أو حفلة تخرج كبيرة ؟؟
طبعاً اخترت حفلة التخرج لأني الحمدلله سويت ملكة كبيرة وحاسوي زواج كبير فقلت الحفلة أحلى وفلة ووناسة أكثر 🙁

واتكنسلت الغمرة وقعد اللبس في الدولاب

قطعة القماش من الهند من محلات اقمشة العرايس .۔ صديقتي سافرت ووصيتها وكانت تصور وترسل وانا اخترت هذا

المقاس / سمول وقابل للتوسيع من كل الاتجاهات ➡
اللون / عودي والتطريز فضي زي المعدن بارز مااعرف اوصف
سعر القطعة / كان عندي خيارين اذا بالشال 1000 ريال واذا بدون 800 ريال وانا اخذتها بدون شال
البطانة والتفصيل / البطانة قماش ستان حرير من الثقيل والتفصيل عند واحد هندي ممتاز نتعامل معاه من زمان كلفنا بطانة وتفصيل 400 ريال
المجموع / 1200 ريال وماانلبس
المطلوب 700 ريال فقطططط مو عشان شي بس ابغا العرايس يستفيدو لأني انا مااستفدت منه 💡

طبعاً لأني قصيرة خليته يقصر القطعة اللي فوق (السديري) ويثنيها عشان كنت أبغاها على حد التنورة بس اذا وحدة طويلة وماتبغا بطنها تبان يمديها تزيد طول السديري 4 سم اللي في الثنية ورح اوضح هذا الشي في الصور

بسم الله ماشاء الله

أول شي السديري
طوله من الكتف الى النهاية / 38 سم + الثنية اللي ممكن تنفك عند اي خياط 4 سم = المجموع 42 سم

وواضح انه الرسمة مو كاملة الى النهاية لاني انا قصرت طول السديري بس اذا انفكت الثنية رح تبان الرسمة كاملة سواء من الامام او الخلف لاحظو

زوووم صدر

من الخلف الرسمة مو كاملة زي ماقلت لكم لاني قصرتها بس انتو فكو الثنية

وهذي الثنية اللي طفشتكم بيها

ونجي دحين للتنورة
كلوش وطولها / 95 سم

زووم التطريز في طرف التنورة

وطبعاً انا مااخذت الشال الطويل او الطرحة لأني كنت ناوية اجيب تل من نفس اللون واحطها على راسي بحركة معينة مع الفل اللي يجي زي التاج .۔ بس مااشتريت التل ولا سويت شي الحمدلله

وبس .۔ ان شاء الله يكون أعجبكم