عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مادري كيف ابدا بصراحه الله يعلم فيني ويعلم بحالي
انا بكريه وهذا شهري الاخير او بالاصح باقيلي اسبوعين على الولاده امس رحت مستشفى العسكري طبعا هو اللي اراجع فيه من بدايت حملي وامس ياطويلين العمر سويت اشعه بس والله من قبل ما اروح وانا حاسه ان قلبي يوجعني احس بحساس غريب المهم يوم سويت الاشعه سالت الممرضه عن راس الجنين قالت لي فوق يعني وضع الجنين مقعد وبعدها دخلت لدكتوره قالت انو لازم اجيهم يوم الاثنين عشان يسون لي عمليت تحويل لوضع الجنين يعني بيدها تضغط على بطني وتحركه عشان يصير راسه تحت بس انا مره خااايفه تقول لي احتمال انو نبض الجنين يضعف واحتمال الحركه ذيه تتعبني انا ماقالت لي انو في امل اولد طبيعي لو تعدل وضعه باذن الله حسيت انو كذا ولا كذا عمليه والعمليه حددوها لي على بكره
انا محتاره وخايف مابغا يضيع تعب تسعه شهور ابغا افرح بمولودي انا مو خايفه من العمليه بس خايفه من التحويل لما قالت انو راح يضعف نبض الجنين يعني ايش يعني ممكن اخسره ياااااااااارب لا تضيع لي تعب انا استخرت ربي وقلت اروح عند الدكتوره شميم قبل واذا قالت لي انو لازم عمليه بوكل امري لرب العالمين واذا قالت انو في امل بحاول اصبر لوقت الولاه بس خايفه يتعبوني يعني اتعب تعب ولاده طبيعيه وقيصريه بس والله راضيه اتعب بس ربي يخلييلي الي فبطني ويخرجني انا وهو بسلامه
ابغاكم تشورون علي والي قد صار لها نفس وضعي تقولي وش سوت
ودعواتكم لي
