تزني وهي حامل

عندي صديقة هاذي الانسانه الله يهديها كنا صديقات من ايام الثانوي هي تزوجت بعد الثانوي مباشرة وقعدت في البيت وانا رحت اكمل دراستي الجامعيه..من وقتها علاقتنا خفت من فتره لفتره تتصل وتكون محتاجه شي يعني مو اتصال سلام او مشتافه لي..!!
من فتره لاحظت انها دايما تجي عندي كل اسبوع صايره تجي او احيانا في الاسبوع مرتين في ايام الويك اند تجيني في الليل وفي الأيام العاديه تجي الصباح على قولها تبغا تسليني دام ازواجنا بالدوام

في البدايه كنت استغربت ليش فجأة صارت تجيني وفجأة صارت تتذكرني مع العلم ان صار لها 3 سنين مازارتني وايام زواجي كل صديقاتي كانو حواليني الا هي

تجي عندي مثلا الصباح تشرب كاسة شاي ما تكمل نص ساعه وربي ما ابالغ ما تكمل نص ساعه الا وهي قايله انا عندي مشوار ابطلع وارجعلك بعد شوي..في البدايه كنت افكر انها تروح للسوق او معهد وعلى هالأساس كنت مصفيه النيه + الحرمه متزوجه وحامل ماقدر افكر بتفكير غلط

الوضع زاد عن حده كل مره تجيني ما تكمل نص ساعه وتقولي بروح وارجعلك بعدين..يوم الثلاثاء الاسبوع اللي فات قلت بنفسي يابنت اسأليها شوفي ايش قصتها لا يكون وراها بلوى والا مصيبه..جلست معاها وطلبت منها تجاوبني بصراحه واننا صديقات وما نخبي عن بعض شي ومن هذا الكلام

قالتلي انها متعرفه على واحد وتطلع معاه انهبلت ايش هذا؟
خليتها تكمل تقولي هو عازب وقت الصباح اهله كلهم برا البيت ويوديها للبيت وتقعد هي واياه وتسول لهم انفسهم احيانا يسوون الفاحشه

الحرمه متزوجه وحاااااامل كيف تسويها مع واحد غريب؟!!

اتصلت فيني اليوم قالت اليوم راح تجيني وانا من سمعت هالكلام منها ما ودي والله انها تجي..ولا ودي اني احتك فيها اكثر..ترجع لقطاعتها افضل لي بس ماني عارفه كيف اوصلها المعلومه او اقولها يا فلانه طحتي من عيني مابيك تجين عندي