عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاااته
كيفكم بنوتاااات ..؟
قصة على لسان صديقتي
خالتي قالت لولدها اذا جيت ازوجك راح اختارلك وحده مو حلوة قالها الولد ليييش ؟ 
قالتله لا خليها ليش تطلقها .۔ يمكن اذا صرتوا في بيت واحد تحبها
وبعد كذا اتزوجها وصار لهم دحين 5 شهور متزوجين
قبل فترة جاء ولد خالتي يقووول احيانا اكون نايم وتقومني من النوم تقولي روح الحمام
وانا اقولها روحي وتروح ولما اجي احط راسي ع المخده القاها نايمه جنبيالبنت مس
اطالع يمين يسااار ياهوو فين اللي كانت واقفة قبل شووية..؟!!!! كيف هيا نايمة دحييين ؟
جلس اكثر من كم يوم ونفس الحكاية تصيير معاااه اخر شئ قال لامه وامه مو راضية تصدق
وقالتله ان طلقت البنت ياويلك مني .۔
و في يوم استغل طلعة امه من البيت وراح ودى حرمته عند اهلها واتفاهم مع اخوانها وقالهم انه بيطلقها
والمسكينة ماتدري انه بيطلقها وكانت نازلة على انها بتروح معاه
بس اخوانها صدموها بالخبر
وطلقهاااا بعد كذا السالفة مو في القصة اللي قلتلكم عليها
اساسا الكلام اللي قاله كله كذب×كذب ❗
كذب على امه واخواته وعلى خالاته عشان يطلقها والسبب ” ماعجبتني “
طيب بنات خالتك كلهم يمدحوا في البنت ويقولوا اطيب منها مافيه زي اخلاقها ماشفنا
انتا ليش مو عاجبتك .۔
الرد المعتااااد >> شكلها مو عاجبني << ليه طيب انت خلقتها ..!!!!!!
البنت مسكينة من يوم ما اتزوجها ما اعطاها فرصة تبين له محاسنها و مساؤها
ما اعطاها فرصة عشان تخليه يحبهااااا ويموووت فيها
كان يطلع لاصحابه ويروح ينام بالاستراحه عندهم او ينام في بيت امه ويخليها بالاسبوع في بيت اهلها والسبب ماعجبتني
عشان كذا اقووول دايما النظرة الشرعية مهممممممة بقوووووووة
ياما ناس اتطلقوا يوم صباحيتهم بسبة الشئ هذا انها ماعجبته
طيب مادام انه الدين سمح بالشئ هذا احنا نرفض ليييييييييش ؟ عشان عادات وتقاليد مال امها داااعي
ما اقووول غير الله يعين البنت ويرزقها بالزوج الصالح اللي يسعدها ويقدر قيمتها
والسلام خير ختام
:
