فيني رهاب ~غريب~ سااعدوني يااخصائيات علم النفس

السلام عليكم
تكفون ابيكم تساعدوني ..انا مدري وش فيني

بحصه القراءه او القران كل البنات يتبعن مثلا تقول فلانه يالله اقري يالله كملي
والي ما تعرف وين وصلت توقفها وانا احيان ما انتبه للتتبع واطنش
واخاف يجي يوم وتقول قومي اقري وانا ما اتبع ..ودائم تصير معي
المهم انه في يوم قالت لي يالله اقري
شوفوا اقسم بالله اني اتذكرها المعلمه(xxxxxxxxxxx ) واتذكر مكاني بالفصل واتذكر الصفحه
كانت سوره الذاريات بالصفحه الثانيه
وقالت اقري
انا بحاول اقرا ما قدرت احس كن احد يقول ان قريتي بذبحك ..او احد ماسك حلقي
بنطق اي حرف مااااقدرت
وبدا جسمي يعرق جبهتي ويدي تنتفض وابحااول مره مره مدري وش جاني كن شيء ماسكني بحلقي
وانا اقول بنفسي وش فيني ما قدرت اقرا القران صرت اشووفه ضباب اذا بغيت اغصب نفسي اقرا
وراح من الحصه ربع ساعه والمدرسه تقول اقري ولا قدرت او اقرا بدوون نفس يعني اسرع في قرائتي اخذ شهيق قبل
ومن بعدها جتني تعته
بس انا مو تعته الي مثل بعض الناس لا انا جتني فجاه
اتعتع بس اذا عند مدرسه القران او القراءه او اذا قالت قومي اقري الي على السبوره 👿
استمرت حالتي وصارت امي على بدايه السنه تكلم مدرساتي تقول بنتي ساعدوها تراها تقررا زين فيها خووف .. لا تنقصون الدرجات
مدري من وين
المهم
استمريت الى ثالث ثانوي
ودخلت الجامعه واستمريت لكن في ثالث سنه اختفى
قلت خلاص السنه الجايه بدخل الدار علشان ما اتفشل من نفسي
ورحت الدار ولما بديت اقرا رجعت لي الحاااله
وانا بحااول اقررا ما قدرت
الا في حاله وحده لازم اي شيء قدامي اشوته مثلا اطق بالطاوله بسررررعه او اضغط رجلي لى الارض بعدها اقدر اكمل ..
وسئلت قالوا ان بك رهاب اجتماعي
مع اني بالاعيااد امسك الماكرفوون واتكلم واشارك
وبا اجتماعات اهلي اجتماعيه لكني هادئه
وش الحل
كل ما دخلت الدار اذا شفت حالتي كذا اتركه .. ➡
امنيتي اختم القران بالدار
لكن مدري وش الحل مع الخوف الي فيني
قالوا روحي مركز الالقاء يروح عنك الخووف لكن احنا على قد حالنا 🙁
عسانا نسدد فواتير الكهرب والجوال ..>>كلام اخواني