عالم البنات النسائي كل ما يخص المرأة العربية من ازياء وجمال والحياة الزوجية والمطبخ
وقت حدوث الحلم في الليل او الظهر مافتكر
الحاله الدينيه عاديه
الحاله الاجتماعيه آنسه
المهنه طالبه
الحاله قبل النوم يمكن كنت مرهقه مافتكر لان الحلم قبل فتره
السلام عليكم ورحمه الله وبركاته
بصراحه اترددت كثيرقبل ماكتب حلمي بس اتكرر حلمي بالحشرات اكثر من مره
واخر حلم حلمتو سار شي في داك اليوم
وحاسه انو حلمي لو علاقه بالي سار
عشان كدا تشجعت وكتبت الموضوع
انا مافتكر الحلم مزبوط بس الي افتكرو اني شفت حشرات
شكلها العادي لمن تمشي كانها جراده لها جناحات صغيره فوقها
ولونها زي لون الجراده
بس لمن تفرد جناحاتها تسير الجناحات شفافه وحلوه ومزخرفه
ولونها بيج وفي الجناحات فيه حشرات كمان متعلقه فيها
(حشرتين او ثلاثه)
وكمان دولا الحشرات الصغار المتعلقين في الجناح
كانهم يفهمو او انهم يعني عارفين ايش يبغو يسوو
ومين يبغو ياذو
يعني اول ماتفرد الحشره الكبيره جناحاتها
هما يعرفو ايت شخص يبغو ياذوه
وبس في الحلم فردت الكبيره جناحها ووحده من الصغار
( لها دبوس طويل من قدام زي البعوض الي في افلام كرتون )
طارت عليا وانا عارفه انها تبغا تاذيني ولسعتني بالدبوس وعورتني مره
وجلست ارشها بالمبيد بس احسو ماياثر فيها
وبرضو تتحرك عادي بس كان جناحها يذبل شويا بس
بعدين خفت منها ودخلت غرفتي ولقيتها مليانه من دي الحشرات واستغربت
وصحيت على كدا
الي تبغا تفسر حلمي تقولي عشان ارسلها قصه اليوم ع الخاص
