عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مالي في المقدمات بدخل في الموضوع طواالي
انا يا حبايبي نفسي اصبغ شعري بس كأي بنت سعوديه كل ما اقول اابغا اصبغ يكون الجواب ” لا رحتي بيت زوجك اصبغي” طففششت يعني تخيلو لو ما جا دا الزوج ايش اسوي في حياتي هع
الممهم و قعدت افكر افكر كيف اغير لون شعري كيف كيف:(
و لقيت اقرب طريقه و هيا استخدموها الناس زمان ” الحننا”
جربت الحنا ما حسيت بفرق اللون >>جربتها تقريبا شهر هع كسلانه ما فيا اكمل
و نشفت شعري عشان كدا بطلت منها
و سرت ادور في النت و اخييرا لقيت صبغ الشعر بالحنا تختاري اي لون و تحطي عليه بروكسيد الاعشاب من ويلا تركيز 9%
و من يومها و انا افكر كيف اجيبو ..و مرا خرجنا مع زوج اختي و وقفو في صيدليه
و جريييي قلتلهم بروح اشتري حاجه و ارجع و طيران اخد البروكسيد و مرا رخييص بـ 4 ريال
اخدتو و رجعت البيت خلطتو مع نسكافه و كاكاو و شويت كركم و عجنتو بالبروكسيد(خليتو على خصله 4 ساعات )
ملاحظه :~ قريت انو بنتين استخدموه و حطو حنا و سودلهم شعورهم عشان كدا استبعدت الحنا:)
المهم
جربتو على خصله وحده و ما حسيت بالفررق 🙁 و خليت الخصله على جنب شويا اختي لما جات قلتلها و اخدتني و ودتني في اللمبه البيضا و حطتو على الشعر القديم و قالت واااااااااو شعرك فتح لوونوو
انا بغى يطير عققلي قلت احللفي قالت والللله
المهم
والله ما صدقت على الله رحت سويت شعري كلوو و فتح اللون بس مو مرا باين عشان انا شعري اسود مرررا
و ان شاء الله بسويه تاني 😆 🙂
و بس دي تجربتي بس في عيب واحد انك ما تعرفي الدرجه الي حتطلعلك يعني لخبطي و شوفي اخر اختراعاتك عاد انتي و حظك هع
و الاستفسار هنااا
غيرت رأيي في البروكسيد عشان اخاف من اللون ،، و اليوم و انا قاعده ع الفيس لقيت على جنب دي الاعلانات
و كان في اعلان عن رغوه صبغ الشعر اعتقد كدا اسمها من كوليستون
و شفتو و نففسسي اشتريه دخل مزااجي مررااا
ممكن تقولولي مين استخدمتو و وعد اقول النتيجه 😆 idea:
و بس سلامتكم
دمتم بود
