عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
مدري شلون ابدا في الموضوع
يمكن انا ماكون واثقة من نفسي مادري بس الي اعرفه انه دوم موب واثقة من شكلي واني شكلي مره غلط من انا صغيرة
كنت اناظر في بنات اقاربي واتمنى اكون مثلهم ولحد الان هالكلام لدرجة وصلت اقارن بيني وبين اختي
هي شعرها ناعم وانا شعري خشن مع انه ماما وبابا شعرهم ناعم بس انا اخذت هذا الشيىء من عماتي
هي بيضه وماما بيضا وبابا وعماتي كلهم بيض الاوحدة مع انه جداتي امهات بابا وماما بيض لدرجة الشقار بس جداني الاثنين سمر وانا اخذت هالصفة منهم
هي مره نحيفة وعضامها نحيفة مثل ماما الااتا اخذت عرض العظام من بابا وجسمي الله لايوريكم
هي عيونها واسعة من بابا وانا اخذت عيون ماما صغيرة وغيره وغيره مشاءالله تبارك الرحمن لااله الاالله
بس والله والله العظيم ماحسدها وحتى اقطع الشك باليقين دوم ذكرالله على لساني
احس اني صرت مجنونه
مهما تظبطت ولبست عدل وصرت آخر كشخه احس انه شكلي موب حلوو
دوم بقول بتغير واصيير وحده ثانيه ولكن لاامل قبل ثلاث سنوات تعبت نفسيا من هالموضوع وغيره صرت مكتئبة انطوائية وماخرج لحد الان بس شوي الحين اخرج بس لاقاربنا مره قريبين منا
دوم كنت اتمنى اكون مثل بنت خالتي مهما تلبس اشوفها حلوة وهي من النوع مهتمة في نفسها كثير وهذا شيىء مره يعجبني
وانا صغيرة كنت اقلدها لدرجة هي تنقهر مني وكنا وهي على فكرة اكبر مني
الوحيدة تكلمت معها في هالموضوع صديقتي قريبة جدا مني قالت لي حقيقة انصدمت منها
انه انا احلى من بنت خالتي هي تعرفها وصدقتي اعرفها اكره ماعندها المجاملة ورايها تقولوا بصراحة ولوكان يزعل يعني انا واثقة انها ماتجاملني
وانا كذا مرة انخطب لاني اعجبهم بس والله والله والله العظيم انه مو غرور وانا اشوف نفسي جدا عادية واحيانا اشوف نفسي بشعة بس ارجع استغفر ربي واقول انه انا احسن من ناس كثير
حتى من بنت خالتي ربي اعطاها الثقة بالنفس واهتمامها بنفسها واخذ منها الراحة العائلية وانا الحمدلله والشكر يارب لك الحمد ماشاءالله اهلي متفاهمين ومتحضرين يستشيروني ويعاملوني احسن معاملة مافي شيىء في نفسي الاعطوني اياه الحمدلله ماعمرهم خلو في نفسي شيىء بس هذا كله بحدود وعقلانية
نرجع لموضوعنا
انا احس نفسي دوم اني ناقصة مع انه عندي كل شيىء ابيه وولله الحمد كل شيىء عندي
حتى يوم وحده شافتني وقالت لي ماما مشاءالله هذي بنتك مره حلوه مع انه يومها كنت احس نفسي زبالة تكرمون كان شكلي معفن بس والله تعبت كل مره اقول بتغير بكره وبكره يجي ويش الي تغير فيه
قصيت شعري صبغته اشتريت جولات اخر موديل لاب توبات ابي احس بالكمال ماقدرت
تثقفت قريت كتب حتى انه صرت اكتب مقالات والكل تعجبه بس لاامل
برضوا احس بالنقص اخر شيىء اتوقع انه انا ماحب نفسي وهذا شكله مرض ولا شرايكم
واذا كان كذا ويش تنصحوني اسويه
ارجوكم ساعدوني
تحياتي
