عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيفكم يابنات انا وربي تعبانه ونفسيتي زفت ومن اصغر شي بعصب وتنرفز
انا عمري 22 وسنه ممرضه دارسه معهد ومتخرجه من السنه وانتم تعرفون المجال الي انا في اختلاط وفيه معكسات بلهبل
وانا وربي اني حافظه نفسي وعرض هلي ولا يوم فكرت غير اخلص دوامي وروح البيت اكل ونام بس
وقبل شهرين قدمت على دوره لانعاش القلب لاني احب دوامي ونفسي اطور نفسي وزيد من مراتبي
المهم في الكورس كان المدرب سعودي يجنن يابنات مو وسيم بس في رجواله طاغيه حنون وطيب وصادق من اول مشافني انتبه لي وصار يركز علي وكل شوي يسالنين فهمتي
وبعدين قالي خذي رقمي لو احتجتي مساعده ورفضت وقلت اذا احتجت مساعده بسالك في المحاضره
ومن بعدها بداء يتعلق فيني يوم عن الثاني والكورس مدته السبوعين وربي يابنات ان في الاسبوعين ماتفارقنا حتى وقت البريك ماروح التغداء يجلس يذاكر لي ويشرحلي
ونجاحت وربي جبت 100 في 100 وفي اخر يوم اخذت شهادتي طلبني مره ثانيه رقمي وحلف لي ان عنده شي مهم ولازم يقوله لي وبعدها بيمسح رقمي وماعادا بيدق
وعطيته بلفعل بس طلعت من الباب ولسى ماركبت الا وهو يدق بارك الي وقلتله وش الشي المهم وعترف لي بحبه ومداى اعجابه فيني
انا بالبدايه انصدمة وماتوقعت انه حبني لهذا الدرجه وبداء يقولي عن ضروفه
هو متزوج عمره 33 سنه وراتبه 9700 ريال مشالله وعنده بنت وولد وزوجته حامل
وهو مو مرتاح مع زوجته ولا يحبها وهي من اقاربه وجبروه اهله عليها
وقلتله انا وش دخلني تقولي هذا الكلام قال انت لك دخل انا ابي اتقدم لك واخطبك من هلك وتصيرين حلالي
وصرنا نكلام بعض على طول يابنات لين قلبي تعلق فيه وربي ماقدر ابعد عنه لو للحظه وزوجته عمرها 27 سنه بس
والحين هو يبي يفاتح هله وزوجته انه بتزوج زوجه ثانيه
وانا محتاره يابنات موووووووووووووووووووووووووووووت انا انخطبت قبل كيذا بس كان شرطه اترك دوامي وجلس في البيت
وانا ماقدر اعيش بدون دوامي انا مادرسة وسهرت وذاكرت عشان اترك حياتي المهنيه
بس هو غير قال المهر الي بيطلبونها هلي بيجيبه ودوامي ماعنده مشكله فيه وبيجيب لي بيت بالحالي بعيد عن زوجته الاوله واهله لان زوجتها الاول بنفس العماره مع هله
وقال شهر العسل باي مكان اطلبه بدنيا وكل هذا بيتوثق في عقد النكاح
وانا وربي محتاره وقال لو ابيه يطلق زوجته الاوله بيطلقها بس انا ما ابي اخرب بيته الاول ولا ابي افرق بينها وبين عيالها
يابنات انا قلت لاختي المتزوجه عن الموضوع ورفضته وقالت مستحيل تتزوجينه انت صغيره ومافيك عيب ليش ترضين بواحد متزوج
بس محد فاهم الي انا احس فيه اخاف ارفضه وهو يحبني واندم بعدين وهو شاريني لو على روحه بعدين انا اداوم 12 ساعه من الصبح للمساء 4 ايام في الاسبوع ليل ونهار
هو مثقف وفاهم طبيعة عملي وفوق هذا وهذاك يحبني ويبيني بالحلال
وربي ماني قارده انام ولا افكر ولا اسوي شي وهو يبي يتقدم الي شهر 12 عشان تكون الملكه بالعيد
الله يخليكم انت وش رايكم لو انتم مكاني وش بتساوون انا احبه وهويحبني وما ابي يدخل علي غيرهوهو مو شايب ولا يعيبه شي وربي انه طيب وحنون عيبه انه عصبي بس قلبه كبير
وربي يابنات ان تعلاقنا ببعض بشكل ماتتخيلونه يابنات الحب احلى شعور في الدنيا
والحين انا فتحت لكم قلبي وكلي امل انك تساعدوني وتنصحوني وش اسوي اخليه يتقدم ونتملك سنه ونقرب من بعض اكثر ولا ايش اسوي
هو مستعجل خايف اني انخطب واهلي يوافقون
الله يوفقكم وربي اني محتاجه نصيحه وماراح ازعل وراح اتقبل كل نصايحكم بصدر واسع
