مشتااقه لحضن امي حيل

توفت امي من خمس سنوات وانا بالثانويه العامه وعمري 17 .. طلعت روحها قدام عيني وانا مو قادره اسوي اي شي وبس اصررررخ وقبل لا تموت بكم دقيقه كانت تقولي شي بس ما فهمت عليها وبعدها راحت عند الله سبحانه ..

يا ناااس انا محتاااجه لها كثير مشتاااقتلهااا ولهانه عليهاااا .. والله والله اني احتاااجها احس لو شنو قلت ماراح تحسون باللي احسه .. قلبي مكسوووور حيل .. مابغي شي بس ابغي شوفتهااااا ابغي اظمهاا واحس فيها ..

احس راحت عني وانا بعز الحاجه لهااا ..

ااااااه ادري هذا قضاء وقدر والحمد الله على كل حال بس والله ثم والله اني اوله عليها كل لحظه واني لو شفت ام تحضن بنتها او حتى اسمع كلمات مهداه لام او اسمع حد يقول ماما اتقطع من داااخل امووووت …

احس لو كانت عايشه كان ما بيكون هذا حالي او حال اخواني كانت اشيا كثيره بتتغير للاحسن ..

البارحه اختي الصغير الي عمرها 13 سنه كانت تشوف برنامج شوجي وبنهاية الحلقه ام شوجي دخلت وحضنت بنتها شوجي واختي ماتت من البكى .. صاااحت من قلب ومو قادره توقف دمووع وانا معاها واصيح .. وانا متأكده انها مشتااقه لحضن مثل هالحضن .. مع ان امي توفت واختي هي عمرها 6 سنوات يعني صغيره بس احسها قامت تحس وتحس بنقص لان مافي ماما بحيااتناا ..

انا ادري ان موضوعي يمكن ما منه فايده بس من الغصه الي فيني حبيت افضفض ..

وامانه لكل الي يدخل لا تنسونها من الدعاء