خااايفة من اخوي..وامي تعبتني

بسم الله الرحمن الرحيم
السلاام عليكم ورحمة الله وبركاته
كيف حالكم يا فراشات عساكم بخيرر
وكل عام وانتم بخير..

المهم انا راح اقول لكم شي وامانة لااحد يقول اني كذابة او تبلى لان هذي الصراحة لمن كان عمري 8 سنواات تعرضت لتحرشات من اخوي واستمر الوضع لمن اكتشفت ان اختي الي اكبر مني كانت تعرف السالفة وقامت تهددني انها رااح تفضحني طبعا اختي هذي كان عمرها 10 وإلى الحين واهي عديمة احساس وما تراعي مشاعر الغير المهم نرجع للمشكله انا في هذا الوقت عرفت ان الي سويته شي عيب وحرام لكن مع الاسف ما قدرت اوقف اخوي عند حده لانه كان يضربني كل ما وخرت المهم اني صرت ما انام الليل ودايما دموعي في خدي ولا اعرف وش اسوي اقول راح اقول حق امي اليوم ويمر اليوم واقول اليوم الي بعده وهكذا الين صارت عندي جراءة وقلت حق امي الي صار اهي انفجعت وعصبت وقالت حق ابوي ولمن جاء الليل امي دخلتنا الغرفة وابوي واخوي في غرفة وقام يضرب فيه ضرب ومن بعدها ما صار يقرب مني ولايكلمني المهم امي من ذاك الوقت واهي تهمس لي انتي تعرفين الصح من الغلط صح وتطلع من البيت وتتركنا لكن يابنات انا كنت صغيرة واسلوبها ما اتوقع انه يصلح يتعامل به مع الاطفال المهم اخوي حسبي الله عليه من الي صار وهو يسب فيني ويلعن على اتفه سبب وامي ما تقول له شي يابنات انا عانيت من طفوله اليمة وحزينة من ضرب اختي لي وتحرش اخوي وسبه ولعنه لي وعدم اهتمام امي فيني ولمن كبرت وصار عمري 13 بدأ اخوي يكلمني وعادي انا اكلمه بس مو كثير لكن مع الاسف صارت عندي مشاكل نفسية كثيرة ومافي احد مهتم والحين انا عمري 16 سنة وصرت اعاني من مشاكل صحية ونفسية صار عندي التهاب في المعدة والمريء والتهاب في عضلة الصدر وقلبي الله العالم وش فيه تعباان مره ودايما اروح المستشفى علشان اشوف وش فيه ووجهي ذابل وتعبان والي يشوفني يظن اني اكبر من عمري والله تعبت اخواني صاروا يقولون لي اني مريضة نفسيا وحتى في المدرسة صاروا يقولون لي نفس الشي والله يابنات صرت ابكي حق امي اترجاها توديني الطبيب النفسي لكن ما في فايدة دايما تتحجج لي بسالفة يوم تقول لي دخلي منتديات وشوفي ويوم تقول ما تدري اذا الطبيب النفسي في المستشفيات العادية ولا له مستشفى خاص ويوم تجيب لي حبوب ترفع نسبة الهيموجلوبين تقول يمكن تنفع انا الي فيني مشاكل نفسية مو مشاكل في الدم ويوم تجيب لي كتاب كيف تقوي شخصيتك خلااااااااااص تعبت ليه ما تقول انها ماتبي توديني وتريحني واخر مرة قلت لها قامت تقول انهم مايعرفون يعالجون ويعطون حبوب يدمن الواحد عليها والله يابنات قلت لها مو لازم يعطون حبوب في علاج بالإرشادات وغيرها لكن مافي فايدة قامت تقول شيلي هالاشياء من راسك والمصيبة يابنات ان اخوي صار يحاول يتقرب مني ويتدخل في حياتي وعلاقاتي مع الناس وصار يسوي نفسه طبيب نفسي ويقول لي اشياء انا ما احب اسمعها ولا احب اقولها ويقول لي اي شي يضايقك تعالي قول لي المصيبة انه مايدري انه اهو اكبر شي يضايقني في الحياة يابنات اخوي ما يحب يكلمني الا في غرفته واذا تكلمت وانا ما اطالعه يعصب ويحرك وجهي علشان اشوفه يمسك كتفي ويلمس شعري وانا ميته من الخوف ودموعي في عيوني وسوا حركة مزعجة لدرجة اني كرهته اكثر من قبل لمن كنت جالسه جنبه قرب وجهه من وجهي حيل وانا وخرت وجهي وقال ليش وخرتي وجهك انا قلت انا وخرت وجهي قام يقول اي ورجع سوا نفس الحركة وانا اوخر قام يقول انا سويت الحركة علشان اشوف انتي تخافين مني ولا لا ..اااه يابنات ابي اعرف اهو وش يبغى مني والله انا اكرهه وما اطيقه وش يبي وماتحملت وقلت حق امي ابي اخوي يوخر عني لاني مو مرتاحة له ويسوي نفسه طبيب ويتدخل في شي مايعنيه وفعلا تركني فترة وجاني اليوم يقول انتي زعلانة مني وليش ماتجين ويتكلم وانا اقول في قلبي خلااص ليه مو راضي يتركني يابنات ادري انه اخوي صار متدين ودايما يروح المسجد واعتذر لي اكثر من مرة على الي سواه فيني بس انا مو قادرة اتحمله ولا اقدر اثق فيه والله نفسيتي دماار وماادري وش اسوي ..يابنات في شي امحيرني ولاقادرة افهمه ادري ان الزواج قسمة ونصيب لكن في اكثر من حرمه اعجبها وتسأل عن عمري واسمي وحتى انها تقول راح تخطبني لكن الى الحين ما سمعت شي ونفس الشي اختي وفي سالفة اختي قالتها لي انا بصراحة انصدمت منها تقول انه في يوم كانت اهي جالسة مع بنات خالاتي وانا كنت معاهم بس ماانتبهت على هذا الشي تقول انه بنات خلاتي قاموا يقولون واهم يطالعون فينا في بنتين انخطبوا ورفضوا عاد انا انصدمت معقوله ان احنا انخطبنا وامي رفضت وصار الشي من ورانا وفي موقف ثاني صار ان التلفون رن وامي ردت وكانت وحدة في الجامعة مع اختي وتبي تخطب اختي يمكن حق اخوهاا المهم تدرون وش قالت امي قامت تقول ان اختي محجوزة والله انا محتارة مع امي رغم ان اختي سألت امي عن السالفة تدرون وش قالت علشان احنا مانعرفها قالت لها هذا الشي ..بنات اخاف امي تضيع نصيبنا في الزواج وما ادري وش اسوي وابي اتعالج نفسيا وامي مو راضية وصحتي متدهورة وناوين نروح المستشفى والله خايفة على نفسي وامي ماخذة الموضوع كانه شي عادي بناات امانه ساعدوني كيف اقنع امي بالمستشفى النفسي والله اني ما كتبت قصتي لكم الا علشان توقفون معاي وتساعدوني تراني امنتكم بالله ..