عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الموضوع من اختيار العضوه الغاليه:sahorah
اولا قبل لادخل الموضوع اعذروني ع القصور لاني امر بظروف صعبه ولا احصل وقت كافي واتمنى اني اوصل لمبتغاي ومبتغاكم
بعض الازواج لما تسولف زوجته يعلق ع سواليفها بكلمه عاديه يشوفها ولاشي بس الزوجه تحسس منها ويمكن تزعلها ويمكن الزوج مايقصد
وخصوصا لما يكون الزوج والزوجه مجتمعين عند الاهل وبعضهم يستهبل ويمزح ع زوجته
قدام الاهل
يمكن تحمل المره الاولى والثانيه بس بعدين تلقينها ماتحمل وتكره تسولف بسبب زوجها وتعليقاته على كلامها وسواليفها
يااحبيبتي لما تشوفين زوجك يستهبل عليك بكلمه او يتلفظ عليك بمزح لاتحطين هالكلمات بمحمل الجد لا تقبليها برحابه واضحكي ولاكنك سمعتي شي ولا ردي عليه باستهبال واتبعيها بضحكه
اهم شي لاتزعلين وتسكتين سواء قدام اهله ولا قدامه لان بكذا يفقد فيك روح المرح
خليك مرحه وسعي صدرك وعودي نفسك تقبلين هالكلمات لان لو زعلتي ع كل كلمه وتعليق راح تتعبين وتواجهين صعوبات
خليك قويه واجهي كلامه بصبر وروح
الزوج يحب اذا مزح مع زوجته بكلام حتى لو كان فاسي يحبها تقبله موتزعل اكيد بيقول بنفسه هذي متحمل وزوعول
انا اعرف بعض المتزوجات تزعل وماتحمل مزح زوجها الثقيل وتلقين بعضهم مايمزح معها زوجها لانهاتزعل
لاعودي نفسك انك تقبلين هالكلام وسعي صدرك مره مرتين راح تمشي امورك
اذا ع كل كلمه بتزعلين وتتضايقين مستحيل بتمشي امورك لان راح يكون عندك حساسيه شديده من كلامه وبتعقدين لاقال كلمه قدام احد ولامزحه
اضحكي جاملي حتى لو مو من قلب بس اهم شي تمشين فيها نفسيتك
اذكر صاحبتي كانت تقولي زوجي دايم يعلق ع كل كلمه اقولها ويعلق ع حركاتي قدام خواته تقول انا انقهرت ماقدرت اتحمل شوي وابكي
قلت بنفسي لو كل ماسمع تعليقه منه راح ازعل اكيد راح اواجه صعوبات ماقدامي الا حل واحد اني اقسي قلبي شوي واتحمل كلامه تقول صار كل مايقولي كلمه احاول اضحك لو مجامله او اعطيه ع قد كلامه تقول ومشيت ع هالموال والحين لو بيقول ل100 سنه معاد ياثر في تعليقاته لاني تعودت عليه وتقبلته وقسيت قلبي ع ردوده وتقول للمعلوميه زوجها ثقيل مره بمزحه
المطلوب منكم ياحلوات
واجهي تعليقات ومزح زوجك بروح رياضيه
كل تعليقه اخذيها من باب المزح
حاولي تظاهرين بالضحك وان التعليق ذا ماهمك
ردي عليه بروح وضحك
انتبهي تزعلين وتسوين من الحبه قبه لان لو زعلتي بيقول امزح ماتقبلين المزح انتي ليش كذا حساسه ومن هالكلام يعني زعلك وفريه ع نفسك
وخليك قويه امام نفسك وتسلحي بالصبر الازواج يقولون كلام اكبر من كذا وتعليقات ثقيله قدام الاهل
وحطي بالك يالغاليه
الزوجه الي ماتحمل مزح وتعليقات زوجها شخصيتها ضعيفه ولاتعرف تسيطر ع نفسها
لاكن الزوجه صاحبة الشخصيه القويه تلقينها تاخذ تعليقات زوجها من باب المزح وترد عليه بالمثل ولاتحط لتعليقاته ومزحه اهتمام
بتقعدين تعاتبين زوجك عند تعليقاته ومزحه معك خطا لان هذا يمكن طبعه ولو عاتبتيه راح تكسرين بداخله شي ويمكن ينفر من السوالف معك بسبب مضايقته لك بسوالفه وتعليقاتك
خليك صبوره وتحملي كل كلمه وتعليقه سواء استهبال اوجد لاعلق ع لبسك كلامك قدام اهله لاتروحين تزعلين او تسكتين يقولون اهله زعول ماتحمل مدري وش فيها
لاخليك سنعه وردي الصاع صاعين اضحكي وردي عليه باستهبال وضحك ع سواليفك وقلد صوتك وكلامك ردي عليه عودي نفسك ع طبايع زوجك لاتزعلين منها
لان انتي الربحانه والخسرانه بنفس الوقت وشوفي كيف تربحينه وتخسرينه
بسبب تلفظه وتعليقاته عليك
بنت العتيبي
