عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاتة
مبارك عليكم الشهر
هذي اول مشاركة لي بالمنتدا الرائع من زمان وانا اتابعكم بس على الصامت وأعتبركم مثل خواتي الله يسعدكم
لا طول عليكم بقولكم قصتي ومعناتي مع اخوي وعيالة
أخوي تزوج وبعد فتره قصيره طلق زوجته بعد ماصبر وصبرنا عليها كنت اشوف أفضل حل انه يطلقها ماخلت أحد بحاله وصلت مرحله تتكلم بشرف الناس خلاها عند اهلها عشان تتأدب ورجعها بس رجعت حليمه لعادتها القديمة حاولت تفسخ خطبة اختى طلعت على خطيبها كلام وغيره اخر شي اخوي قرر يطلقها سعينا
انه مايطلقها نتحمل اللى تسويه فينا عشان العيال قال لا لمتى اصبر المصيبة رمت عيالها حتى ابو لفه النونو ومن بعدها بدت معاناتي كل ماشوفهم قلبي يتقطع مهم صاار وش ذنب العيال ليش تحرمهم حنان الأم واخوي انقهر وطلقها ماكنت اتوقع فيه أم بالقسوه هذي اااهــ وهم يمشون وراي ويقولو ماما ماما ويحضنوني بداخلي اتقطع عليهم وأشب نار على امهم اللى ماتستاهل تكون أم أختى تتصل عليها عشان تشوف حل وهى ماعليها تقول خطبني واحد أقص يدي اذا احد تزوجها ماعليها بالعيال اتصلت على زوجة اخوي تبي تشوف العيال مره بالشهر ولا يطولو عشان مايزعجوهم سبحان الله وأمي المسكينه تحملت منها الويل واخوي لدرجه تدعي عليه بالموت وامي تسكت لو اخوي يضربها اقول يستاهل لو سهر مع اصحابه لليل ويغازل اعذرها بس من البيت للمسجد والعمل
تتوقعو زوجه الأب تكون حنونة على العياال ابيهم عندهم ثقه بأنفسهم أحبهههم حيييل
ابيكم تدعون لأخوي بالزوجة الصالحة اللى تعوضة من اللى شافة
لاتنسوني بدعوهـ
