عالم البنات النسائي كل ما يخص المرأة العربية من ازياء وجمال والحياة الزوجية والمطبخ
[هلا بنات شخباركم
بنات انا صار لي من تزوجت سنة ونص وحملت مرتين واجهضت ربي ماكتب يتم الحمل لكن الحمد لله على كل حال رغم التعب الي شفته بالاجهاض تعب نفسي اكثر من ماهو جسدي الا اني راضي بما اعطاني الله وربي اكيد بيعطيني مابيحرمني بس الي مضايقني زوجي صار يلح على موضوع لعيال بشكل كبير لدرجة ان الاسبوع الي فات قالي وهو معصب (السنة الجاي انا ابي اسمع كلمة بـــــــــــابــــا )
يعني تخيلو شنو تبوني اقوله اكيد هالشي بيد الله انا مالي خص فيه وبعدين يجيني في يوم ثاني كنا نسولف عن الوحدة وعن ناس عايشين وحيدين الا يقولي ايــه الله يعنيي انا شكلي اذا كبرت بصير كذا >> بالله عليكم هذا كلام يحسسني اني متأخرة مع ان عمري توة 22 يعني لساتي صغيرة والحمد لله تحاليلي كلها زينة اه ولله مقهووورة مقهورة المشكلة انه يحبني وانا احبة مووت حياتنا حلوة بالحيل بس الي مخرب علينا موضوع لعيال
تعبت وانا افهمة ان حياتنا احسن بواجد من غيرنا احنا الحمد لله الله عطانا الصحة والمال وحبنا لبعضنا ويكفي ان عندنا امان من موضوع لعيال يعني حملللت مرررتين واخر مرة حملت من ثمانية شهوور وهو مب راضي يصبر كل شوي يجيب لي هالسيرة وحتى لو ماجاب سيرة يحسسني ❗ اف تعبت والله تعبت
اخر مرة قلت له اذا تبي عيال تزووووج > ادري ان كلامي غلط بغلط بس شسوي شسوي
ومساعه كنت تعبانة وهو خايف عليي يقول يمكن نشوف خير الا تجيني الدورة يوم شافني تعبانة قالي وهو مقهور هـــا خاب املي ؟ يعني جاتش اه والله احس اني مقهورة وماعندي احد افضفض له احس خواتي كلن لاهي بهمة اه يارب تفرج علييي وترزقني بالحمل السليم يارب يارب
ادري بنات كلامي مخربط بس العتب ع الدموع الي ماخلتني اكتب
بنات ادعولي ادعولي ادعولي ربي يفرجهاعليي وعلى كل مكروبة
