عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
ارجو من الأخوات المشرفات عدم حذف هالموضوع او نقله لملف الشغالات
لأن هذي قصة صارت لنا وحبيت الكل ياخذ العبرة منها وليست هي مشكلة بالتحديد لأنها صارت خلاص وانتهت وأثر فيني الموضوع وحابة افضفض صج من قلب
مصيبة خدامة اختي وخدامة بيت اهلي
بدخل بالموضوع على طووول
باختصار
هما من نفس الجنسية (اثيوبيات) صغار بالسن يمكن 20-22
مو متزوجات
وياجارك الله منهم ومن سواتهم
اختي (أم أحمد)موظفة طيبة على نياتها وتعامل خدامتها بكل خوووف تعمل حساب لبيتها ولأولادها ( اولادها بالمدرسة)واذا تشوف البيت وسخ ومغبر او المطبخ مو ممسوح من الدهن تسكت تقول اخاف اقول لها تبلعني
شافت مرة عندها موبايل اخذته من عندها لان خافت تتصل باحد او يخربوها او تطلع وبعد فترة كسرت خاطرها رجعته عليها قالت لها بس لاتحمليه اذا رحنا بيت اهلي ست الحسن استانست قالت اوكي مدام مابحمله معاي وطبعا عمك اصمخ تحمله وكأنه العيد بعد
طبعا تحملت غباءها كذبها وقاحة لسانها ونكرانها للجميل
وغرورها على شنو الحمد لله والشكر اقبح منها مافي
اما خدامة بيت اهلي ممنوع منعاً باتاً ان يكون لديها موبايل وحاولت كذا مرة تجي لي تبي موبايل اقول لها مستر مايرضى اقصد ابوي
وتروح لأختي تقول لها نفس الكلام وتروح لأخوي ويقول لها نفس الشي بس اذا تبي تتصل نتصل من تلفون البيت تقريبا يومياً لأهلها مرة ومرة لولد عمها تقول ومرة لصديقتها ومرة لخالتها وووو
ندش بالمهم !
صار عندنا عرس وماعطونا بطاقات للخدم
طبعا أمي خافت على خدامتهم تقعد لوحدها بالبيت فخذت خدامتهم وراحت بها بدون بطاقة
اختي ( أم أحمد) تستحي تاخذ خدامتهم بدون بطاقة وشتقول لاصحاب العرس؟ غصباً عليكم جبت خدامتي بدون بطاقة؟ وخصوصاً مرة تهاوشت خدامتها مع اخت العروس بسبب عجرفتها وغرورها ولاتقولون انا خدامة عيل شنو يقولون لج أميرة مثلا؟
المهم بعد مارجعنا من العرس
خدامة اختي قلبت وجهها على اختي
شكت هي بينها وبين نفسها ليش ؟
واشدراها ان خدامة بين اهلي راحت وهي لا؟
اتصلت اختي ام أحمد على اختي الصغيرة هديل قالت لها ست الحسن قلبت وجهها علي فراحت اختي الصغيرة المطبخ سبحان الله كأن الله يقول لها روحي الحين شوفيها
ولما دخلت عليها ارتبكت وحست انها مسويه شي قالت لها وين تلفون؟ قالت ها؟ مافي تلفون!
دارت اختي براسها لسلة البصل لقت موبايل
راحت لأمي شوفي اش لقيت عندها؟
بنفس الوقت اختي ام احمد مقهووورة على هالمجرمة اللي عندها اتصلت اختي هديل الى ام احمد وقالت لها ترى لقينا عند هذي موبايل قالت لها تعالي خذي موبايل هالشينة اللي عندي لأنها مارضت تعطيني اياه واخاف اخذه من عندها تسوي في اولادي شي
راحت اختي على طوول بيتهم ودخلت غرفة خدامتهم ولقت الموبايل تحت السرير
خذته اختي ورجعت للبيت بشوي الا باكستاني متصل
ألوووو فلانة حبيبي
اختي ارتبكت وسكرت
من الغباء ولأن الله يبي يفضح كل فاجر
رجع اتصل الووووو حبيبي شنو مشكل؟
بكرا انا يجي الساعه 8 ونص صبح
اختي على طول غيرت صوتها وقالت اوكي
يعني يدل البيت ويحدد باي ساعه يقدر يجي
وخبّرت اختي بالمكالمة
اختي ام احمد تسمّرت في مكانها ترتجف اول مرة تصير في هالموقف
وحدة حيوانة تدخل رجال بيتي؟
وانا ياغافل لكم الله
انا وزوجي بالعمل
واولادي بالمدارس
وأمنت بيتي لوحده وقحة وماتستحي
زوج اختي تعاون مع اخوه لنصب كمين للباكستاني
عشان يجي ويمسكوه
8ونص
اتصل الوووو انا بره افتحي الباب
زوج اختي انشغل بمسك الوقحة لأنها حاولت الهرب
اخو زوج اختي مسك الباكستاني بس ماقدر عليه وهرب بسيارته
لكن طلعوا رقمه من شركة الاتصالات وعرفوا اسمه وبسووا له استدعاء وتسفير على طووول من البلد
خذوا الخدامة على طول المطار وتسفير من فلوسها
وفلوس …… تجمعت في غرفتها وخسرتهم طبعاً
ملابسها اللي لها واشترتهم هي خذتهم
خدامة بيت اهلي حجزوا لها تذكرة نص من فلوسها ونص من فلوس اهلي وباقي فلوسها كلها خذتهم واغراضها خذتهم
وتسفير على طول
الله يعين كل وحده محتاجة خدامة
واذا كانت راحة الجسم مهمة فراحة القلب أهمم من كل شي
