اللي والدة قريب بالسعودي الالماني بجدة تدخل

مرحبا يا حلوين ادري هالموضوع لسة بدري عليا افكر فيه وانا لسة بالشهر التاني بس الموضوع قالقني ودايما نقاشات انا وزوجي اقوله انا اللي بولد والا انت ➡ وهو لسة مقتنع بالالماني لانه قريب وصرنا صحبة من كثر روحاتنا وجياتنا عليه يا رب رحمتك
انا ولدت قبل كذا قبل سنتين بالسعودي الالماني كانت ولادة كويسة ومسهلة
بس اللي ضايقني انهم ما يدخلوا اي احد معك والغرفة تحسيها صغيرة اقصد غرفة الولادة
وسمعت ان خدماتهم وممرضاتهم الان مو مثل اول
لما ولدت فيه كانت طبيعية وخياطة عادية والاهتمام حلو واعطوني هدايا لي وللبيبي وكيكة حلوة صغيرة لونها ازرق للولد والممرضات يعلموكي شلون تغيري وتلبسي البيبي ويودوك الحمام الله يعزكم لو احتجتي
وثاني يوم لما ولدت جت وحدة تسوويلي تمارين ورياضة خفيفة وهاذا اللي عجبني اكثر شي:)
ولما طلعت من المستشفى اتصلوا فيا ثاني يوم يطمنوا علي وعلى البيبي
بس السئ بعد اللي ضايقني انا كنت والدة بالليل الساعة 10 وما شفت البيبي الا بعد ماقمت من البنج ثواني وما شفته الا ثاني يوم الظهر كل ما اتصل ابغى اشوفه يرفضوا وحتى يرفضوا يجيبوا رضعة للبيبي لازم هم يرضعوه بقسم المواليد
والممرضة اللي اشرفت على ولادتي للحين ادعيلها واتمنى لو ولدت عندهم ثاني الاقيها
و سمعت انهم صاروا يسووا تجميلي داخل مع تكاليف الولادة
انا متابعة ووالدة قبل عند الدكتورة منى نبيل ومستحيل اغيرها جربتهم كلهم ما لقيت اشطر منها 😆 🙂
اللي والدة قريب او لها احد تعرفه والد فيها بس هالفترة
رجااااء
تخبرنا بالتفاصيل وشلون صارت معاملتهم