عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
بنات عندي مشكله ومررره محتاره فيها وكنت متردده اكتبها هنا ولا لا بس قررت اني اكتبها وانا واثقه بانكم بتساعدوني
بدخل في الموضوع..
انا مخطوبه لولد عمي وهو انولد ودرس وعايش برا مع اهله يعني طول عمره وهو هناك وهو كان مجتهد كثيييير بدراسته وشغله
صحيح هو ولد عمي بس ماكنا نعرف عنه اي شي بحكم الغربه غير انه يدرس ويشتغل
قبل مايتقدم لي شافني في الصوره وانا كمان .بس انا مايهمني شكله.
والخطوبه صارت بالتلفون يعني لسه ماشافني عالطبيعه
وطبعا سألنا عنه الكل يمدحه ويشكر فيه….الخ ماعدا حرمه وحده قالت ان له صور مع بنات في الفيس بوك وكاتب انه يحب يشرب بس بعدها بيومين حذف حسابه من الفيس بوك
ابوي بعد ماسأل عنه قالي ( يابنتي كل واحد يمر بمرحلة طيش في حياته وهو عايش برا فهذا شي طبيعي انه كان على علاقه ببنات بس اكيد الحين عقل والدليل انه يبي يتزوج من برا البلد اللي عايش فيه و انا تأكدت منه الحين ومن حكايه الشرب يقولو كلام غير وانتي استخيري)
الحمد لله استخرت من اول يوم والى الآن انا مداومه عالاستخاره وحتى رحت مكه واستخرت هناك الحمد لله
ومن ناحية الصلاه هو يصلي بس احاينا تروح عليه بعض الصلوات بحكم شغله
وانا كلمت داعيه معروفه عنه وعن صلاته وطمنتني كثيير وقالت ماتلوميه اذا راحت عليه كم صلاه لانه بغربه واهم شي اخلاااااااااااقه
ووافقت عليه وعلى اساس انهم رح يجون بعد شهرين عشان النظره الشرعيه والعقد بنفس الفتره
وبعد الموافقه باسبوع اتصل علي وتكلمنا شويه (على فكره هو مايعرف عربي كثير)
توقعت انه يتصل بعدها بس مااتصل لمدة شهرين.وامه كانت دايما تتصل وتقولي (شوفيه مرررررره خجوووول)وهو يسلم عليكي ويقولك انه مشغول مره ومايقدر يتصل بس ان شاء الله حيرسلك رسائل
بعد الشهرين رسل وصرنا نتراسل مره كل اسبوعين
كلامه جدا راقي ومحترم وكلامه كله عن المستقبل يعني احنا هنروح البلد الفلاني واحنا هنتعلم مع بعض…الخ وبيني وبينكم انا اللي اجيب الكلام يعني انا اللي اسأل اكثر منه لانه مايسأل كثير.. بس لاحظت قلة اهتمامه يعني يرسل كل اسبوعين وكأنه موعد وكأنه واجب عليه
وبعدين رسلي جهاز iPad بس والله العظيم على قد مافرحت على قد مازعلت بنفس الوقت
لانه حط اكثر من 500 صوره لاهله كلللهم واخوانه بس مافي ولا صوره له..تصورو!
سألته وقلت ليش ماحطيت صورتك في الجهاز؟
استغرب وقال ليش مافي صور؟انا حطيت صور العيله كلها!!
قلت ايه صور العيله موجوده ماعدا انت
قال تبيني ارسلك اياها عالايميل؟
قلت بكيفك.
قال بكيفك انتي كمان
انا مارديت ماعرفت ايش اقول.
توقعت انه يرسلها بعدها بيوم او بيومين بس مارسل
المهم رحت ابحث عنه في النت وعرفت اسمه المستعار ودورت كثييييير عنه
لقيت انه كاتب انه قبل 5 سنوات كان على علاقه ببنت لمدة اربع سنوات وكان المفروض انهم يتزوجو بس في النهايه عرفو انهم مارح يقدرو يكملو مع بعض اكثر
والمصيبه الكبرى امس وانا اكمل بحثي عنه وبالصدفه لقيت صورته وهو حاضن بنت في بيته
انصدمت مررررره ووالله ماقدرت انام ولا آكل وحالتي ماتسر
ساعات اقول يمكن هي فترة وعدت وبطل هالحركات
واذا فتشت ورى اي شخص بلاقي بلاوي
مااتوقع احد بهالزمن ماعنده سوابق
وساعات اقول طيب ليش ماخطب وحده من هناك؟
ومااعرف اذا هذا اللي يسويه ثقل ولا بروووود ولاغير مبالي؟؟
والحين طالبه مشورتكم وش اسوي؟
مابعد قلت لاهلي لاني افكر اني انتظر الين مايجي واواجهه وحهها لوجه لان بالرسائل ماينفع
والا اقوله يتصل واتفاهم معاه؟بس احسها صعبه البنت تطلب من خطيبها يتصل صح ولا لا؟
واللي يرحم والديكم ردو علي
والله اني استخير كثييييييييييييييير بس ماعرفت اخذ قراري
يعني بصراحه على قد مافيه من سيئات على قد مافيه من محاسن صعب الاقيها بشخص ثاني
انا ماابغى استعجل واظلمه وبنفس الوقت اخاف افكر بعاطفتي مو بعقلي
يابنات ابيكم تحطون نفسكم بمكاني وش كنتم بتسوون؟
وش الاحسن اواجهه الحين والمّح له انه يتصل ولا انتظر الين مايجي؟ ولا ماافتح له سيرة ماضيه؟
ربي يفرج هم كل وحدة ترد علي ويفتح لها ابواب الرزق ويرزقها الجنه يااارب
منتظره لردودكم على احر من الجمر
