كرهت حياتي بسببها …!! ساعدوني

مشكلتي تبداء ان ايوي متزوج ثنتين وعايشات بنفس البيت زوجه ابوي تكون الاولى وامي الثانيه….
زوجة ابوي الاولى زوجت جميع اولادها وبناتها وعايشه معانا لوحدها وباقي اخواني من امي وعددنا خمس انا الكبيره فيهم…
وربي ياعالم اني احترم زوجه ابوي واقدرها واساعدها بكل شئ لدرجه اني اخذ الشغل من يدها واخلصه بدالها مو مدح في نفسي بس الكل يشهد لي بهذا الشئ…
وفي يوم دخلت المطبخ حصلتها تغسل المواعين اخذتها منها وقلت انا بغسلها عصبت وقالت انا مو محتاجه مساعده منك بااخلص اشغالي بنفسي قلت لها لا ماراح اخليك عصبت وقالت روحي قولي لابوك يطلعني من هذا البيت ويعطيني شقه لحالي بعيد عنكم قلت لها مستحيل اقوله لكن اذا متضايقه منا روحي لاحد من اولادك….زعلت مني اكثر وجلست تدعي علي اني مااتوفق واني اعنس في بيت ابوي مااتزوج ابد..سكت مارديت عليعا وطنشت السالفه…
لكن كانت المصيبه العظمى انها راحت تقول لجيراننا اني طردتها من البيت وان العيشه معاي ماتنطاق وقالت اشياء وربي ماصارت اننا ناكل وهي لا واننا قاعدين نظلمها ونهضم حقها علشانها بس هي وحدها معانا واني دايم اسبب المشاكل عشان كذا عنست(لي سنه متخرجه من الجامعه) مااحد يرضى فيني وبدت تنشر الخبر وكلمت كل اولادها وقالت لهم ورغم انهم اخواني لكن مهما حاولت ابرر لهم الموقف تبقى هذي امهم مستحيل يزعلونها علشاني…
وربي انها ظلمتني وشوهت سمعتي وباقي مستمره في هذا الشئ وانا نفسيتي تعبت بقوووووووووووووووووووووووووووووووووووووووووه كرهت كل شئ حولي وصارت مشاكل مالها اول ولا اخر بين امي وزوجه ابوي بهذا السبب….
هي بعد مازوجت اخر بناتها العام صارت تدور اي سبب علشان الناس تتكلم فينا ويطلعها ابوي في شقه لحالها كانت تسبب المشاكل مع امي بس الحين رجعت علي انا؟؟؟

طبعا” بتستغربون وين ابوي؟؟؟
ابوي موجود معانا بس كبير في سنه ومريض فما ندخله في هذي المشاكل مع العلم ان زوجته الاولى تحاول تبلغه بااتفه شئ يصير….