موضوع شاغل الناس هاليومين وكله تخريف

السلام عليكم ورحمة الله وبركاته
كيفكم صبايا …
بنات انا بفتح معكم موضوع بس حابه اتكلم فيه شي
عن الجن والاشباح والشياطين >> لاتخافون مافي رعب
كثير منــــــــا يدخل موقع اليوتويب او اي موقع يشوف الفيديو وتلاقون عناوين
شبح في قاعه افراح ولا جني في غابه ولا في كهف وووو…..الخ
وانا كنت اول المصدقات كنت اتفرج وانا ميته خوف ومصدقه انه جد
لاني سمعت انه يظهر ويبان تحت اشعه الفلاش وكنت مره احاول جاهده مااتابع
مقاطع بلوتوث او فيديو زي كذا ..
بس مره حضرت درس يتكلم عن هالاشياء وطلع كله خرافات يابنات ويوم انا صرت ادقق
طلع كله تركيب فوتوشوب او مونتاج وغيرهـ ..
اول شي الشياطين مااحد يعرف شكلها ولا تظهر لمخلوق بشكلها الحقيقي مستحيل
انسوا الموضوع نهائي انها تظهر بشكلها مهما تسمعون عن قصص ووصف لشكلو لاتصدقون ابدا ..
في ناس تحب تلعب بعقول الغير تشوف قد ايش عقولهم فاضيه او انهم خوافين او ايمانهم ضعيف
مع احترامي للكل انا كنت منكم اكبر خوافه بس اللحين الحمدلله اتضح لي كل شي ..
لو نلاحظ ان عالم الجن عالم ثاني اقروا عنه بقوقل ..
مايطلع للناس ابدا بشكلو لان الانسان لو شاف شكله لمات من المنظر اللي بيطلع له
هم يطلعون على شكل حيوانات بس..
ويتلبسون الانس بس غير كذا مافش مايتشكل على شكل بشري
يطلع حيوان او يتلبس المخاليق ..
حبيت اوضح لكم يابنات لان كثير لاحظتهم بيصدقوا ..
مايطلعون لا بالكاميرا ولا تلفزيون ولا شي ..
بعدين هم مخلوقات ضعيفه جدا جدا جدا والله يابنات لاتغركم القصص اللي تسمعونها
اشكال واهوال وغيره احنا صرنا نخاف منهم من كثر اللي نسمعه تبرمج عندنا اشياء بالمخ انه مخيف ومرعب..
صدقوني ايه الكرسي تطرده من المدينه بكبرها وتدرون وقت الاذان يهرب الشيطان لاماكن بعيده عشان لايسمع الاذان يااذيه انتم حصنوا انفسكم ايه الكرسي بعد كل صلاة اقروها والله يابنات
من بعد اذن الله مايقربكم شي كافي بسم الله الرحمن الرحيم هذي الكلمه ترسل شهاب للشياطين
اسمعوا قران كثير واقرؤو وحصنوا انفسكم والشياطين انسوها ..

جزاكم الله وربي يحفظ كل المسلمين المؤمنين يارب
اللي ابيه منكم دعوه لي بالشفاء >> معايا سعال ذابحني 😆 hy:
ويحقق لي اللي في بالي وتدعون لابوي الله يشفيه ويطول بعمره يارب ولماما واخواني
ولكم مثل مادعوتم ❗