عالم البنات النسائي كل ما يخص المرأة العربية من ازياء وجمال والحياة الزوجية والمطبخ
استغفر الله العظيم واتووب اليه
لااله الا انت سبحانك اني كنت من الظالمين
بقولكم موقفي واعطوني ارائكم..
اول شي عمري 22قبل شهر تقريبا اتقدمولي ناس عن طريق خطابه هم من منطقه وانا من منطقه وولدهم ساكن بمنطقه بعيده بحكم العمل
وجو وشافوني وبعدها جابو ولدهم وتمت الشوفه الشرعيه
حقلكم كيف كانت شوفتي الشرعيه
طبعا اول شي في نفس اليوم الولدقابل ابوي وابويا اتكلم معاه وبعدها دخل شافني مع امه واخته وامي واول مادخل الولد عالصالون جا اول شي مد يدو يسلم وانا انحرجت وماني عارفه اش اعمل فمديت يدي وسلمت وسحبتها بسرعه ( وانا الي ااعرفو مايجوز السلام في الشوفه الشرعيه بس مجرد نظره وسلام وكلام من بعيد)المهم بعد ماشافني اتكلم مع امو وبعدها امو طلعت الشبكه واعطت الشبكه لولدها والولد جا جلس جنبي عشان يلبسني قمت انا بعدت منو شويا قامت الام تقول خليكي قربي منو وانا طنشتها قام هوا قرب مني
ولبسني الشبكه وبعدها الام تقول يلا متى الملكه( الام مرا مستعجله مدري لييه )طيب مو المفروض ياخدو رأيي اذا موافقه ولالا او حتى يعطونا فرصه نسأل عالولد واستخيييير
انا يابنات مو مرتاحه مدري ليييييه ودحين عدا عالموضوع شهر والام يوميا تتصل عشان الملكه
وانا جدا متردده مرا اقول موافقه ومرا اقول لا وغير كدا مو حاسه بفرحه زي البنات اول ماينخطبو لاتقولولي يمكن عشانك قلقانه ومدري ايش لا ماني قلقانه بس موحاسه بفرحه بالمررررا ولا حتى ليا نفس كيف اجهز لملكتي واش اعمل ولا حتى احس انو قلبي متعلق في الولد واهلي جدا رغبانين في الولد يقولولي متعلم وووالخ واستخرت كم مرا وبرضو نفس الشعور ماني عارفه اكمل مشواري ولاكيف …(علما قرايبي لسا مايدرو بموضوع خطوبتي) افيدوني الله يوفقكم …
